Diktant tu’rleri ha’m metodikasi

OQIW JILI DAWAMINDA O’TILGENLERDI TA’KIRARLAW
KO’RSETIW DIKTANTI
Anamnın’ bayramı

Quyash ku’lip baqqan ku’n, Ba’ha’r ta’nge jaqqan ku’n,

8-mart bul ku’n- Anajanım bayramı.

AYTIW DIKTANTI
Ushırasıw
Jaqında mektebimiz zalında ushırasıw boldı. Qalamızdın’ aldın’g’ı qurılısshıları menen ushırastıq. Ja’ma’a’t baslıg’ı Na’jimatdin ag’a Siypatdinov usı jıllar dawamında qurılg’an u’yler, mektep ha’m baqshalar haqqında aytıp berdi. Qurılıs basqarmasının’ direktorı Bahadır Zaripov jan’adan qurılg’an turaq jaylar, mektep ha’m administrativlik imaratlar haqqında ayıtp berdi. Mektebimiz qurılısshılarg’a tamasha ko’rsetti. Ushırasıw qızıqlı o’tti.
Lager
Mektebimizdin’ u’lken bag’ı bar. Bag’ a’jayıp lagerge aylang’an. Ol jerde tu’s waqtında seyil etiwdin’ zawqı basqasha boladı. Taza hawa. Quslardın’ sayrawı esitilip turadı. Bu’lbil naması adamg’a a’jayıp zawıq bag’ıshlaydı. Bag’dın’ ortasınnan jap o’tken. Lagerdi ag’alarımız qurg’an. Biz bag’dı ta’rbiyalawdı dawam ettirip atırmız.


TEKSERIW DIKTANTI
Dem alıs rejesi
Jaqında jazg’ı dem alısqa shıg’amız. Jazg’ı dem alıs ju’z ku’n dawam etedi.
Ha’mmemiz ma’sla’ha’tlesip, oqıtıwshımız basshılıg’ında dem alıs rejesin du’zetug’ın boldıq. Rejede jazda isleytug’ın jumıslarımızdı jazıp qoyamız. Qaysı kitaplardı oqıwımızdı da belgileymiz.
Jazda lagerlerde dem alatug’ın oqıwshılar dizimi du’zildi. Qala shetine baratug’ınlar da ayrıqsha esapqa alındı. Lagerlerge barmaytug’ın oqıwshılar da bar. Dem alıs ku’ndeligin jazıp baramız. (53 so’z)


T O’ R T I N SH I K L A S S


I sherek


SO’ZLIK
Avtomobil, agronom, aeroport, xalıq, ju’k, baxıtlı, biyday, direktor, ja’ma’a’t, jup, imtixan, injener, kitapxana, mashaqat, metall, sıylıq, a’hmiyetli, keme, rayon, ta’nepis, telefon, perzent, xabar, qa’wip, sayaxat, qarmaq, qaharman, qurbaqa, ha’wesker, ha’zil, hadal, ha’mme, ha’reket, ha’pte, hu’kimet.