BILIMLENDIRIWSHI DIKTANT
A’nar
Ha’wlimizde eki tu’p a’nar bar. Atam bizlerge onı qalay ta’rbiyalaw kerekligin u’yretti.
A’nar iyun ayında ju’da’ shıraylı bolıp gu’lleydi. Gu’li to’gilgennen son’, ko’k-ko’mbek a’narlar payda boladı. Jaz boyı u’lkeyip, gu’zde qıp-qızıl a’narlar jetilisedi.
Bir tu’p a’nardan 30-40 kilogrammg’a shekem miywe alamız. Bazıda bir dana a’nardın’ awırlıg’ı 700 grammg’a shekem boladı. A’nardı qısı menen saqlaymız. A’nar ju’da’ paydalı miywe eken.
IV sherek
ERKIN DIKTANT
1. Ka’rxanalarda avtomobil, mashina ha’m u’skeneler tayarlanadı. 2. Mebel fabrikasında stol, stul ha’m divanlar tayarlanadı. 3. Diyqanlar bazarda kartoshka, geshir, kapusta, qıyar satadı. 4. Jazda alma, alsha, ju’zim pisedi. 5. Bizin’ Watanımız bay ha’m ku’shli ma’mleket.
DO’RETIWSHILIK DIKTANT
Jaz, ıssı, pisti, miywe, alma, erik, miynet, diyqanlar, balalar, ja’rdem, otaq, bag’, atız, qızg’ın, jumıs.
ERKIN DIKTANT
Shaxmat oyını
1. A’dil ha’m Manzura shaxmat do’geregine jazıldı. Do’gerek shınıg’ıwları sa’rshembi, shembi ku’nleri boladı. Da’slep balalarg’a shaxmat oyınının’ maqseti tu’sindiriledi.
2. Sa’rshembi ku’ni balalar birinshi ma’rte shaxmat oynadı. Dilbar ha’m Ra’wshan shaxmattı jaqsı u’yrenip aldı.
3. Ay aqırında shaxmat jarısı o’tkerildi. A’dil jarısqa tayarlandı. Jarısta A’dil jen’impaz boldı ha’m estelik sawg’ası menen sıylıqlandı.
TEKSERIW DIKTANTI
U’lkemiz haywanları
Xalqımız eshki, sıyır ha’m basqa u’y haywanların bag’adı. Olardan go’sh, su’t, may ha’m basqa o’nimler alınadı.
Bulardan tısqarı, O’zbekstanda jabayı eshki, taw eshkisi, jayran, qundız sıyaqlı haywanlar da ju’da’ ko’p. Biraq bul haywanlardın’ tu’ri ha’m sanın anıqlaw qıyın. Sol maqsette ku’nler ısıwı menen respublikamızdag’ı an’shılıq ha’m tog’ay xojalıqlarında ju’zlep adamlar usı is penen shug’ıllanadı. Olar jıl dawamında haywan ha’m quslardı, qımbat bahalı ja’niwarlardı dizimge alıp, jasaw ornın anıqlaydı. (67 so’z)
Do'stlaringiz bilan baham: |
