Diktant tu’rleri ha’m metodikasi

Xans Kristian Andersen
Andersen Jer ju’zindegi barlıq balalardın’ jaqın dostı ha’m ma’sla’ha’tshi esaplanadı.
Xans Kristian Andersen 1805-jıldın’ 2-aprelinde Daniyanın’ Ogense qalashasında tuwıldı. Onın’ atası ka’mbag’al etikshi edi. Andersennin’ balalıg’ı biraz qıyın o’tti. Ol ka’mbag’allar ushın ashılg’an tu’ngi mektepte oqıytug’ın edi. Andersen ko’p kitap oqıytug’ın edi. Ertekler tın’laytug’ın edi. Ol keleshekte balalar ushın qızıqlı ertekler do’retiwdi maqset etti.
Andersennin’ ju’zlep ertekleri tu’rli tillerge awdarma islengen. O’zbek balaları onın’ «Jabayı aqquslar», «Qar malikası» sıyaqlı erteklerin maza etip oqıydı.


SAYLANDI DIKTANT
I. 1. Biz tawg’a (shıqpaqshımız). 2. Ag’am xantaxta (islemekshi). 3. Olar maydanda futbol (oynamaqshı). 4. Dostım u’kesine oyınshıq (almaqshı). 5. Ka’rim quslarg’a da’n salg’ısh (islemekshi).
II. 1. Salima kitaptı (oqıp atır). 2. Oqıwshı qızlar bag’da (oynap atır). 3. A’dil gu’llerge suw (quyıp atır). 4. Paxtalar mashina menen (terilip atır).


AYTIW DIKTANTI


Nawrız bayramı
21-mart ku’ni Nawrız bayramı belgilenedi. Usı ku’ni diyqanlar jerge bereket tuqımın sebedi. Bir-birlerine jaqsı tilekler bildiredi.
Nawrız ku’ni su’melek pisiriledi. Bayram dasturxanı jayıladı. Oyın-ku’lki, u’lken seyil boladı. Milliy gu’res, da’rwazlar tamashası boladı. Nawrız bayramı saltanatlı o’tedi.
FEYIL


SO’ZLIK DIKTANT
1. Oqıp atır, jazıp atır, pisti, ku’tti, ku’ldi, juwırdı, kiyatır, islep atır, sheshti, soraydı, so’yleydi, kesti, ko’rdik, baslandı.
2. Oqıp shıqtı, islep boldı, aytıp qoydı, bara qaldı, jaza basladı, isley basladı.


TEKSERIW DIKTANTI


Nan
Anam ha’r tan’da ıssı nan jawıp, dasturxang’a qoyadı. Porsıldaq nanlardan jag’ımlı iyis taraladı. Babam: «Nan a’ziyz ha’m qımbatlı, onı ısırap qılman’. Onın’ usag’ı da tu’spesin, obal boladı», deydi. Oylap ko’rsem, ha’r ku’ni bir-eki usaq tu’sse, bir jılda qansha boladı? Usaqları toplansa, bir neshe nan boladı. Obal, ısırap degen so’zlerdin’ ma’nisin jaqsı tu’sinip alıw za’ru’r. Bazı bir balalar nannın’ usaqların tu’sirip jep ju’redi. Bul ma’deniyatsızlıq esaplanadı. Siz jaqsılardan u’lgi alın’. Nandı obal qılman’! (72 so’z)