Diktant tu’rleri ha’m metodikasi

YADTAN JAZIW DIKTANTI
Suwsız o’mir bolmas,
Miynetsiz ra’ha’t.

Sıldır-sıldır suw ag’ar,

Hawazı jang’a jag’ar.


BILIMLENDIRIWSHI DIKTANT


Aral ten’izin asıray alamız ba?

Aral ten’izin asırap qalıw ha’mmemizdin’ wazıypamız. Onı asıraw ushın ne islew kerek? Aldı menen suw qa’dirin biliw, onın’ bir tamshısın da ısırap etpew sharaların ko’riw za’ru’r.

Aral ten’izi bir waqıtlar tolıp-tasıp, o’zinin’ tının’ suwı, ha’r qıylı balıqları menen belgili edi. Ekologiyalıq ten’ salmaqlıqtın’ buzılıwı sebepli Aral ten’izi suwı jıldan-jılg’a kemeyip, ha’tte, qurıp qalıwg’a shekem jetti. Bul mashqala ha’tte, basqa ma’mleketlerdin’ xalıqların da ta’shwishke salmaqta.
Araldı qayta tiklew bag’darında a’hmiyetli joybarlar islep shıg’ılmaqta. Jaqın jıllarda joybar shen’berinde 93 million sumnan artıq qarjı sarplanıp, Aral boyına 557 mın’ seksewil na’li egildi.


II sherek


ATLIQ


SO’ZLIK DIKTANT
1. (Babam) seksen jasqa toldı. 2. (Kempir apam) kesteni ko’z a’yneksiz tikti. 3. (Atam) – aldın’g’ı jumısshı. 4. (Apam) balalar baqshasında isleydi. 5. (A’jag’am) Tashkentte oqıydı. 6. (Apam) do’gerekke qatnasadı. 7. (U’kem) birinshi klassta oqıydı. 8. (Sin’lim) balalar baqshasına baradı. 9. (A’japam) kitapxanada isleydi. 10. (Dayım) – traktorshı.


TEKSERIW DIKTANTI
Da’rya boyında
Salıy Narın da’ryası haqqında ko’p na’rseler esitken edi. Ol bıyılg’ı dem alısta da’ryanın’ o’zin ko’riwge miyasar boldı. (17 so’z)


BILIMLENDIRIWSНI DIKTANT
Gu’lal baba
O’mirde bir emes, bir neshe o’nerdi iyelegen adam baxıtlı. A’yyem zamanda gu’lalshılıq o’nerin bilgenler ju’da’ qa’dirlengen eken. Sebebi ol waqıtlarda ıdıs-tabaq ha’zirgidey ko’p emes eken-da’.
Raxim baba degen kekse adam gu’lalshılıqta ataqlı eken. Ol islegen gu’zeler, la’genler, gu’l salg’ıshlar sulıw ha’m paydalanıw ushın qolaylı eken.
Haslında, bul o’nerdi iyelew, onın’ qıyınshılıqlarına shıdam beriw qıyın boladı.
Gu’lal buyım islew ushın da’slep topıraq alınıp, ılay qarıladı. Son’ jibi islenip, forma beriledi. Bunın’ ushın arnawlı a’sbap boladı. Raxim baba qıyın jumıstı qunt ha’m shıdam menen sapalı isleydi.
Raxim baba ko’p sha’kirtlerine o’zinin’ o’nerin u’yretken.