Diktant tu’rleri ha’m metodikasi

TU’SINDIRMELI DIKTANT


Gu’ller malikası
Roza gu’ldi gu’ller malikası deydi. Roza gu’l ju’da’ sulıw, xosh iyisli. Erte ba’ha’rden kesh gu’zge shekem ashılıp, adamnın’ zeynin ashadı.
Roza gu’lden ta’biyiy may alınadı, da’ri-da’rmaq sıpatında paydalanıladı. Roza gu’ldin’ japıraqları, a’sirese, shıpalı esaplanadı. Sol sebepli onnan gu’l qant tayarlanadı.
A’yyem zamanlardan berli adamlar roza gu’lden gu’l qant tayarlap, bir qatar qa’steliklerdi dawalawda onnan paydalang’an.


TEKSERIW DIKTANTI


Tasbaqa
Tasbaqa ju’da’ juwas, a’ste ha’reket etiwshi ja’niwar. Ba’ha’r keliwi menen tasbaqalar inlerinen shıg’ıp, awqat izley baslaydı. Ol maysa, sho’pler menen azıqlanadı. Anda-sanda ja’nliklerdi de tutıp jeydi.
Tasbaqanı u’y sha’rayatında da bag’ıw mu’mkin. Ol geshir, kapusta, g’arbız, qawın, alma qabıg’ın jeydi. Tasbaqa ashlıqqa da shıdamlı boladı. Ol yarım jıl hesh na’rse jemey jasay aladı. Saratannın’ ju’da’ ıssı ku’nlerinde az-azlap suw ishedi.
Tasbaqalar ko’p jasaydı. Onın’ u’stindegi qattı keseshesi qa’wip-qa’terden saqlaydı. Qandayda bir qa’wipti sezse, da’rriw basın kese ishine aladı. (78 so’z)


AYTIW DIKTANTI


Fontanlar
Fontan jazdın’ ıssı ku’nlerinde muzday suwı ha’m taza hawası menen insanlarg’a xosh keypiyat bag’ıshlaydı.
A’yyem zamanlarda da saraylarda fontanlar bolg’an. Samarqand a’tiraplarında Amir Temur qurdırg’an Dilkusho bag’ında fontan bolg’an. Ispaniya elshisi Ryui Gonzales bul fontang’a ha’wes etken. Ol fontannan qızıl almalar qalqıp shıqqanın o’z xatında su’wretlegen. Xalqımız, ata-babalarımız jaratqan iskusstvo du’rdanaları ju’da’ shıraylı ekenin tariyxshılar o’z shıg’armalarında jazg’an. Su’wretshiler su’wretlerinde olardı su’wretlegen.
Tashkentte birinshi fontan 1890-jılda qurılg’an. 1947-jılı Alisher Nawayı teatrı maydanında, 1974-jılı G’a’rezsizlik maydanında, 1997-jılı Temuriyler tariyxı ma’mleetlik muzeyi a’tirapında a’jayıp ko’riniske iye bolg’an fontanlar qurıldı.