Diktant tu’rleri ha’m metodikasi

Kitaplar tariyxınan
Ma’mleketimizde 1868-jılı birinshi ma’rte basıp shıg’arılg’an kitap rus sayaxatshısı Severkov ta’repinen Chu ha’m Narın da’ryaları haqqında jazılg’an.
Baspa isleri da’slep Tashkentte ju’zege kelgen. Son’ basqa qalalarda da baspaxanalar ashılg’an.
1924-jılda O’zbekstan Respublikası Ma’mleketlik baspaxanası ha’m barlıq poligrafiya ka’rxanalarının’ basshılıg’ında kitaplar basıldı.
1933-1937-jıllarda Tashkent poligrafiya kombinatı xızmet ko’rsete basladı.
Ha’zirgi ku’nde respublikamızda ju’da’ ko’p baspalar kitap basıp shıg’armaqta. «Oqıtıwshı» baspasında balalar ushın sabaqlıqlar, «Sholpan» baspasında bolsa, kishkeneler ushın ko’rkem a’debiy kitaplar basıladı. Sonday-aq, «Jan’a a’sir» baspası da jaqsı xızmet ko’rsetpekte.


TEKSERIW DIKTANTI


Quyrıqlı juldızlar
Aspanda ju’da’ u’lken ko’lemdegi quyrıqlı juldızlar payda boladı. Onı ilimiy tilde kometa dep ataydı.
Ma’selen, 1811-jılda ko’ringen kometanın’ diametri Jer sharının’ diametrinen 100 ese u’lken bolg’an. 1882-jılda ko’ringen kometanın’ quyrıg’ı 1 milliard kilometr. Yag’nıy jer orbitasının’ diametrinen 3 ese u’lken bolg’an. Kometa ku’ndiz quyashtın’ qasında ko’rinip, 40 ay jaqtılıg’ı da’rejesinde nur shashqan. (59 so’z)


SO’ZLIK DIKTANT
Men, meni, menin’, sen, seni, senin’, ol, og’an, onda, onnan.
Menin’ u’kem, senin’ da’pterin’, meni ushırattı, seni soradı, onnan aldım.


AYTIW DIKTANTI


Totı qus
Atam Hindstang’a sayaxatqa bardı. Men olardan totı qus alıp keliwin iltimas ettim. Atam menin’ aytqanımdı umıtpaptı. Mag’an sulıw totı qus a’kelip berdi. Biz onı salqınıraq jerge qoydıq. Qa’pesi de o’zi sıyaqlı sulıw. Men og’an ha’r qıylı so’zler u’yrettim. Onı shaqırsam «la’bbay» deytug’ın boldı. Doslarım keldi. Totı qus olarg’a u’yrengen so’zlerin aytıp berdi.


BILIMLENDIRIWSHI DIKTANT