Dilnavoz Yusupova

 

«Naqliya so‘zlar»dan 
1. Insonning insonligi ishni qanday boshlaganidan bilinadi, qanday tugatganidan 
emas. 
2. Ko‘nglingdagi ko‘rkam o‘y og‘zingdan chiqqach xiralanadi. 
3. Sen agar faqat o‘zini o‘ylaydigan nodonga hikmatli so‘z aytsang, u seni yo xursand 
qiladi, yo xafa. 
4. Kishiga bilimiga qarab yaxshilik qil, yomonga qilgan yaxshiliging boshingga balo 
bo‘lib tushadi. 
5. Otang bolasi bo‘lma, odam bolasi bo‘l! Odam bolasi – elning lolasi. 
6. Yaxshi odam ko‘p so‘raydi, ammo oz bersang ham rozi bo‘ladi. Yomon odam oz 
so‘raydi, ammo ko‘p bersang ham rozi bo‘lmaydi. 
7. Yolg‘iz boshing uchun mehnat qilsang o‘z qorni uchun o‘tlagan hayvonning biri 
bo‘lasan. Insoniy burching uchun mehnat qilsang, Alloh taoloning suygan bandasi 
bo‘lasan. 
8. Inson bolasini zamona parvarish qiladi. Kimda-kim yomon bo‘lsa, ayb 
zamondoshlarida. 
9. Agar davlat mening qo‘limda bo‘lganda inson farzandini tuzatib bo‘lmaydi degan 
odamning tilini kesib tashlardim... 
10. Dunyoda kim yomonlik ko‘rmagan deysiz? Umidsizlik – bu g‘ayratsizlikdir. 
Dunyoda hech muqim narsa yo‘q, shuningdek, yomonlik ham mudom bo‘lmaydi. Axir, 
qori qalin qahraton qish ketidan ko‘k maysali, tiniq suvli yoz kelmasmu? 
11. Badjahl odam kamgap kelsa, zahari ichida bo‘lgani. Bordi-yu hech kimga gap 
bermay, lo‘lilik qilib shovqin solsa – bu odam yo qo‘rqoq, yo maqtanchoq keladi. 
12. Quvonch va mag‘rurlik mastlikdir. Faqat mingdan bir kishigina bu narsadan o‘zini 
ehtiyot tutib yura oladi. 
13. Ishning omadi – o‘z vaqti. 

---

439 
14. Buyuk mansab go‘yo bir buyuk qoya. Unga erinmay o‘rmalab yurib ilon ham 
chiqadi, uchib-qo‘nib yurib qiron ham chiqadi. 
15. Dunyo – kattakon ko‘l. Zamona esa esib turgan yel. Oldingdagi to‘lqin og‘alar 
bo‘lsa, ketingdagi to‘lqin inilardir. Navbat bilan o‘lishar, avvalgiday bo‘lishar. 
16. Tuyadek bo‘y bergandan tugmadek aql bergan ortiq. Soqolini sotgan qaridan 
mehnatini sotgan yosh ortiq. 
17. Yomon do‘st bir ko‘lankadir: quyoshli kunda qochsang ham qutulolmaysan, bulutli 
kunda esa izlasang ham topolmaysan. 
18. Do‘sti yo‘q bilan sirlash, do‘sti ko‘p bilan siylash. Yaxshiga yaqin bo‘l, yomondan 
– yiroq. 
19. G‘ayratsiz jahl – tul, qayg‘usiz oshiq – tul, shogirdsiz olim – tul. 
20. Baxtiyor bo‘lguningcha baxtingni eling ham tilaydi, o‘zing ham tilaysan. Baxtiyor 
bo‘lganingdan so‘ng esa faqat o‘zinggina tilaysan.