Diplomsiz ziyoli

SHARAFLI NOM
Ramazonov Anvar
(1969-2007)
Inson koinot gultoji. Uning umri misoli bir toshqin daryo. Kimdir erta, kimdir uzoq yashab bu hayot bilan vidolashadi. Biroq hayotdan erta o’tib ketish ota-ona qarindosh-urug’ ko’nglini g’am-hasratga to’ldiradi. Anvar Ramazonov ham ajoyib hamqishloqlardan edi. U inson degan sharafli nomga munosib bo’la oldi. U Darbandning Qapchig’ay mahallasida tug’ilib o’sdi. Maktabni tamomlashi bilan ishga sho’ng’ib ketdi. Ishladi, obro’-e’tibor orttirdi. Biroq 38 yoshida bu hayot bilan vidolashdi. Uning vafoti barcha qarindosh -urug’larni chuqur qayg’uga soldi. Undan Zarina va Feruz ismli farzandlar yodgor qoldi. Ularni kata qilish ayoli Zulfiya Mavlonova zimmasida qoldi.

JAMOA MEHRINI QOZONDI…

Afg’onova Iroda
(1969-1995)
Iroda Denov tumanining Minora qishlog’ida tug’ildi. Qishloq maktabida tahsil olgandan keyin bir muddat Denov tumani markaziy shifoxonasida faol ishladi. Bu yerdagi jamoa mehrini qozondi. Chunki u mehnatsevar, ko’ngli ochiq qiz edi. Taassuflar bo’lsinki, o’n gulidan bir guli ochilmagan Iroda bu hayot bilan erta vidolashdi.
GO‘ZAL O‘LIM
Ramazonov Rauf
(1969-1989)
Rauf Muzrabot tumanining Yangiobod qishlog’ida dunyoga keldi. Yoshlikdan jasur, polvon bo’lib o’sgan Rauf qishloqdoshlar, sinfdoshlari o’rtasida shirinso’zligi, mehribonligi, pahlavonligi bilan ajralib turardi. O’rta maktabni tamomlab bir muddat ishladi. So’ngra harbiy xizmatga chaqirildi. Taqdirni qarangki, harbiy xizmatni o’tayotgan chog’i xizmat vaqtida, vatanni himoya qilayotganida, ya’ni ibodat ustida vafot etadi. Uning bevaqt o’limi ota-ona va qarindosh urug’lar Darband xalqining qalbini larzaga keltirdi. Na chora, o’lim haq ekan. Ammo bu chiroyli o’lim edi.
Xursandova Sayyora
(1970-2020)
Sayyora Darbandda tug’ildi. U o’rta maktabni namunali xulq bilan tugatdi. Oilasi, farzandlari haqida ma’lumot berilmagan.

IJODIY YONDASHUV