Dunyo nega bunaqa

Ishongan do’stlaring tepib yanchadi
Bilmadim dunyoning rosti qanchadir
Dunyoda onadan boshqasi yolg’on


Yolg’ondir yiqilsang kuyunguvchilar
Yolg’ondir quvonsang suyunguvchilar
Barchasi yolg’ondir bu o’tkinchilar
Dunyoda onadan boshqasi yolg’on


Borin berib sendan kutmas nimadir
Boshingda tunu kun u parvonadir
Bu dunyoning asli chini bittadir
Dunyoda onadan boshqasi yolg’on


O’zini o’qqa ham cho’qqa ham urar
O’g’ir kunda yoningda yolg’iz u turar
Mexriddin dunyoning bir chinin bilar
Dunyoda onadan boshqasi yolg’on
2016-yil oktyabr

SOG’INDIM ONA
Ona, sog’inchlarning azobi og’ir
Endi uch kun sizdan olisda bo’ldim
Xayolim siz tomon ketmoqda g’ir-g’ir
Shu uch kun ichida ne bo’lsam bo’ldim


Ona, sog’inchlarning azobi og’ir
Qiynalib ketyapman sizdan uzoqda
Sog’inib ketyapman, kuymoqda bag’ir
Kunlarim o’tyapti azob firoqda


Ona, sog’inchlarning azobi og’ir
Tez kunda qaytaman bag’ringizga man
Bilmovdim bunchalik bo’lishin axir
Sizsiz yashash menga og’irligin ham
******


Sevgi sotilmaydi tillolarga ham
Uni bozordan ham olib bo’lmaydi
Sevgi o’zi tanlar kimni tanlasa
Yurakka majburlab solib bo’lmaydi

DILOZORIM.


Senga ko'ngil berib kuydi yuragim
Bu hayotdan juda erta to'ydi yuragim
Aytgin senga oz bo'lsada bormi keragim
Dilozorim ozorlaring jonimdan o'tdi


Ko'ngling menda emas bilib sevaman
Ko'z yoshim daryo lek kulib sevaman