Э. Т. Бердиев, Э. Т. Ахмедов табиий доривор ўсимликлар

Витамин А (ретинол). Ушбу витамин тирик организмларнинг ўси-
ши ва ривожланишида, хўжайраларни бўлиниб кўпайишида эпителий 
тўқимасининг функционал ҳолатини нормал сақлашда, кўз ўткирлигини 
яхши бўлишини таъминлашда муҳим рол ўйнайди. У кўриш пигментла-
ри ҳосил бўлишида фаол қатнашади, демак у ўсимликларда синтезлан-
майди. Ўсимлик тўқималарида бу витамин тирик организмда ретинолга 
айланадиган каротиноид пигментлар ҳолида учрайди яъни у ўсимлик 
пигментлари – каротиноидларнинг ҳайвонлар организмида парчалани-
шидан ҳосил бўлади. Витамин А балиқ ёғи, тухум сариғи, сариёғ, жигар 
(айниқса, балиқ ва бошқа сув ҳайвонлари – кит, морж, тюлень жигари-
да) ва бошқа маҳсулотларида кўп бўлади. 
Витамин А нинг организмда етишмаслига ёки бўлмаслиги харак-
терли кўз касалликлари – ксерофтальмия, кератомаляция ва шабкўрлик-
ка олиб келади. 
Витамин А
2 
(дегидроретинол). Тузи паст ва чучук сувларда яшай-
диган балиқлар жигаридан олинади. Витамин А ва А
2
нинг доривор пре-
паратлари юқорида кўрсатилган кўз касалликларини, баъзи тери касал-
ликларини ҳамда А – авитаминоз касаллигини даволашда қўлланилади. 
В-гурух витаминлари. Витамин В
1
(тиамин). Бу витамин ачитқи-
лар, буғдой, гуруч, ёнғоқ, нўхат ва сули таркибида ҳама жайдари (сер-
кепак) унида бўлади. Бу витамин марказий асаб тизимини қўзғалишида 
ва тормозланишида муҳим рол ўйнайди, ақлий иш фаолиятини яхши-
лашда муҳим аҳамиятга эга. Организмда бу витаминнинг етишмаслига 
полиневрит (бери-бери) касаллигига олиб келади. Унинг дори препа-
ратлари В – авитаминоз ва гиповитаминоз касалликлари ҳамда неврит, 
радикулит, невралгия, периферик фалаж ва бошқа касалликларнинг ол-
дини олиш ва даволашда қўлланилади. 
Витамин В
2 
(рибофлавин). Ачитқиларда, сут зардоби, тухум оқида, 
гўшт, балиқ, жигар, нўхат, дон ва бошқа маҳсулотларда бўлади. Вита-
мин В
2
ҳайвонлар организмида етишмаса, уларнинг бўйи ўсмайди ва 
жунлари тўкилиб кетади. Бу витамин етишмаслигида кўзнинг шох пар-
даси хиралашади, кўриш ўткирлиги ва рангларни ажратиш қобилияти 
пасаяди. 

---

22 
Унинг дори препаратлари баъзи кўз касалликларини (конъюнкти-
вит, катаракта, кўз шох парда яраси ва бошқалар.) нур касаллиги, ичак 
функцияси бузилиши ва бошқа касалликларни, битмайдиган яраларни 
ҳамда авитаминозларни даволашда ишлатилади.