Eshitish va muvozanat analizatori funksiyalarini tekshirish

---

Mavzu №1:  “LOR A‟ZOLARIKLINIK ANATOMIYASI VA 
FIZIOLOGIYASI. LOR A‟ZOLARINI ENDOSKOPIK TEKSHIRISH USULLARI. 
ESHITISH VA MUVOZANAT ANALIZATORI FUNKSIYALARINI 
TEKSHIRISH” 
Otoskopiya: Anamnez yig„ilganidan so„ng, quloq suprasi va so„rg„ichsimon o„simta 
soxasi ko„zdan kechirilib va palьpatsiya qilinganidan keyin, quloq voronkasi va peshona 
reflektori yordamida otoskopiya o„tqaziladi. Quloq voronkasi yordamida tashqi eshituv 
yo„lini va nog„ora pardani ko„rish mumkin, ayrim xolatlarda nog„ora bo„shlig„i 
elementlarini xam, nog„ora pardada perforatsiya bo„lgan taqdirda esa nog„ora 
bo„shlig„ining shilliq qavati xam ko„rinadi.
Tashqi eshituv yo„lining xolatini aniqlash uchun bemorni boshi teskari tomonga 
buriladi, tekshiruvchi quloq suprasini tepaga va orqaga tortib, quloq voronkasi yordamida 
tashqi eshituv yo„lini tog„ay va suyak qismini, xamda nog„ora pardani o„zining 
elementlari bilan ko„radi. Agar eshituv yo„lida oltingugurt tiqini bo„lsa, uni vazelin moyi 
shimdirilgan paxtali tampon yordamida olib tashlanadi. 
Asosiy e‟tiborni nog„ora pardaga qaratish lozim: normada uning rangi kulrang, 
yaltiroq kulrang yoki osmon rangida bo„ladi. Nog„ora pardada quyidagi xosilalar 
aniqlanadi: 
1) oq-sariq bolg„acha chizig„i, radius bo„ylab markazdan oldinga va yuqoriga yo„nalgan 
bolg„acha dastasini nog„ora pardaga birikkan yo„nalishiga to„g„ri keladi: bolg„acha 
dastasi bo„ylab pushti qon tomirlar o„tadi. 
2) bolg„acha bo„rtmasi (prominentia mallearis) - bolg„acha dastasining yuqori qismidagi 
oq-sariq do„ngcha.
3) yorug„lik refleksi (yorug„lik konusi) - nog„ora pardadan qaytgan yorug„lik oldingi 
pastki segmentida yaltirovchi uchburchak sifatida aks etadi, uning cho„qqisi markazga 
yo„nalgan bo„ladi. 
4) nog„ora pardani taranglashgan va bo„shashgan kismlari chegarasida joylashgan 
bolg„acha bo„rtmasidan oldinga va orkasiga yo„nalgan xira rangdagi, biroz egilgan 
oldingi va orqa bolg„acha burmalari. Ayrim odamlarda bolg„acha dastasiga parallel 
o„tgan nog„ora pardada oq chiziqcha ko„rinadi – bu nog„ora parda orqali ko„rinadigan 
sandonchani uzun o„simtasidir.