Фанидан маърузалар матни

Фуқаролик жамияти - демократия, эркинлик, адолат ва барча фуқароларнинг тенглиги принципларида ўзини ўзи ташкил этувчи ва ривожлантирувчи одамлар бирлиги.
Инсонпарварлаштириш (фанни) - олимларнинг ўз илмий ва техникавий кашфиётлари келтириб чиқариши мумкин бўлган салбий оқибатлар учун ўз ижтимоий ва фуқаролик масъулиятини англаб етиши.
Интеллект - шахснинг янги билим ва кўникмаларни тез ва осон ўзлаштириш, ностандарт вазиятдан чиқиш йўлини топиш ва бошқа шунга ўхшаш қобилиятларида ўз аксини топадиган билиш қобилиятлари тизими.
Интерпретация - талқин қилиш, бирон-бир нарсанинг мазмунини очиб бериш, у ёки бу тушунча, матн, илмий асарни тушунтириш.
Фан фалсафаси - илмий билишнинг онтологик, гносеологик ва методологик принципларини асослашда қўлланиладиган фалсафий ғоялар мажмуи.
Танқидий фикрлаш - илмий ғояларни ҳар хил нуқтаи назардан ҳамда мавжуд барча муқобил ёндашувларга таққослаб ва солиштириб фаол кўриб чиқиш жараёни.
Методика - бирон-бир ишни мақсадга мувофиқ тарзда амалга ошириш усуллари мажмуи.
Илмий муаммо - илмий изланиш асосида ҳал қилишни талаб этувчи мураккаб назарий масала.
Ижодий фикрлаш - инсон мияси (тафаккури)нинг янгини яратиш борасидаги конструктив фаолияти.
Технологик усул - илмий ишнинг тузилишига ва илмий изланиш натижаларини асослашга қўйиладиган талаблар мажмуи.
Эвристика - 1) йўналтирувчи саволлар ёрдамида таълим бериш тизими; 2) назарий тадқиқотнинг мантиқий усуллари ва услубий қоидаларининг мажмуи ва ҳақиқатни излаш.
Эмпирик - тажрибага асосланган.
Энциклопедия - қомус: барча фанлар ёки фанларнинг айрим тармоқлари бўйича билимлар мажмуини ўз ичига олувчи илмий маълумотнома тарзидаги нашр.
Кузатиш - объектни ўрганишда унга таъсир этмасдан билиш методидир.
Таққослаш (қиёслаш) - илмий билишнинг кенг тарқалган методи бўлиб, у “ҳамма нарса қиёсланганда билинади“ деган тамойилга асосланади; таққослаш натижасида бир неча объектга тааллуқли бўлган умумий жихатлар аниқланади.