Fuqarolik ishlari bo‘yicha tumanlararo sudining 2019-yil 16-sentabrdagi sud buyrug‘iga

5-kazus 
1.03.2023-yilda arizachi Madaminov Sulton maʼmuriy sudga ariza bilan murojaat 
qilib, 12.12.2022-yildagi 10/501-sonli tuman hokimining qarorini bekor qilishni so‘ragan. 
Birinchi instansiya sudining 2023-yil 18-apreldagi hal qiluv qarori bilan arizachi 
tomonidan o‘tkazib yuborilgan sudga shikoyat qilish muddati uzrli deb topilib, ariza 
qanoatlantirilgan. 
Apellatsiya instansiyasi sudining 2023-yil 1-maydagi qarori bilan birinchi instansiya 
sudining hal qiluv qarori bekor qilinib, arizani qanoatlantirish rad etilgan. 
Apellatsiya instansiyasi sudining qaroridan norozi bo‘lib, fuqaro Komilov Xayit 
2023-yil 1-iyunda Oliy sudga kassatsiya shikoyati bilan murojaat qilib, apellatsiya 
instansiyasi sudining qarorini bekor qilib, birinchi instansiya sudining hal qiluv qarorini 
kuchida qoldirishni so‘ragan. 
Arizachi S.Madaminov fuqaro X.Komilovga maʼmuriy ish bo‘yicha qabul qilingan 
sud qarorlari ustidan shikoyat qilish va boshqa huquqlarni beruvchi ishonchnoma bergan 
bo‘lsa-da, arizachi 2023-yil 29-mayda vafot etgan. Komilov Xayit kassatsiya shikoyatiga 
Madaminov Sultonning kassatsiya shikoyati berilgan kunga qadar vafot etganligini 
tasdiqlovchi o‘lim haqidagi guvohnoma va o‘zining vakolatini tasdiqlovchi ishonchnomani 
ilova qilgan.
1. 
Kazusdan kelib chiqib nizoning sudga taalluqlilik masalasini muhokama 
qiling va fikrlaringizni nazariy hamda huquqiy jihatdan asoslang. 

---

2. 
Kazusdagi vaziyatda muddatlar va xarajatlar masalasini tahlil qiling. 
3. 
Kazusdan kelib chiqib protsessual huquqiy vorislik va vakillikning o‘zaro 
farqli jihatlarini tushuntirib bering. 
4. 
Kazusdagi vaziyatda birinchi instansiya va apellatsiya instansiyasi 
sudlarining harakatlariga baho bering.