Glossari y aglomeratsiya, aholi punktlari aglomeratsiyasi

Ishlov beruvchi sanoat – sanoat va qishloq xo’jaligi xom ashyosiga ishlov beruvchi yoki uni qayta ishlovchi sanoat tarmoqlari majmui.
Ishsizlik – bir qism iqtisodiy faol aholining o’ziga loyiq ish topa olmasdan qolishi va mehnat zahirasiga aylanishi.
Ishsizlik – iqtisodiy jihatdan aktiv (faol) aholining bir qismi o’z kuchini qo’llay olmay «ortiqcha» bo’lib, mehnat zaxirasi armiyasi bo’lib qolish hodisasi.
Ishchi kuchi, mehnat qilish qobiliyati – insondagi tirikchilik ne’matlari ishlab chiqarishda foydalaniladigan jismoniy va ma’naviy qobiliyatlar majmui.
Kantserogenlar – havfli o’smalar kelib chiqishiga sababchi bo’ladigan moddalar yoki fizik omillar
Kapitallashuv – bank yoki boshqa tijorat tuzilmasi o’z kapitalining o’sib borishi jarayoni.
KASB – kishining mehnat faoliyati, doimiy mashg’ulot turi; ish turini malakali bajarishga imkon beradigan bilim.
Kasbiy bilim - aniq mehnat faoliyati doirasida bajariladigan ishlar uchun zarur bo’lgan nazorat, bilim, amaliy malaka va ko’nikmalar birlashmasidir.
Kasbiy bilimdonlik - pedagogik jarayon manti­g’i­ning yaxlitligicha va butun tuzilmasi bilan birgalikda ko’ra olish, pedagogik tizimning rivojlanish qonuniyatlari va yo’nalishlarini tushunish, anglash.
KATALOG — Izlab topish qulayligini hisobga olib, tartibga solingan ob’ektlar ro’yxati.
KAFYeDRA – bir yoki o’zaro bog’liq bo’lgan bir necha fanlardan pedagogik, uslubiy va ilmiy ishlar olib boruvchi professor-o’qituvchilar jamoasi.
Kvazitabiiy muhit-inson tomonidan o’zgartirilgan (madaniy) tabiiy landshaftlar.
KYeRYeATIV – bu tadqiqotchilik xarakteriga ega. o’quvchilarda ijodiy tafakkurni jadal (maqsadga yo’naltirilgan) ravishda rivojlantirish ta’limi.
Kichik korxona – kichik biznes sub’ektlarining bir turi bo’lib, mamlakatimizda amaldagi qonunchilikka ko’ra sanoat ishlab chiqarishning ayrim tarmoqlarida (masalan, yengil va oziq-ovqat sanoati, metallga ishlov berish va asbobsozlik sanoati va h.k.) 100 kishigacha, ayrimlarida (masalan, mashinasozlik, metallurgiya, yoqilg’i-energetika sanoati va boshqalarda) 50 kishigacha, xizmat ko’rsatish sohasida 25 kishigacha ishlovchi korxonalar kichik korxona hisoblanadi.
KOGNITIV – U atrof olam haqidagi bilim doirasini kengaytirish, differentsiallovchi tafakkurni shakllantirish, bilish ehtiyojlarni rivojlantirish ta’limi.
Kombinatsiya - kooperatsiyaga o’xshab korxonalar birlashmasidan iborat. Bunda tarqoq holda joylashgan birlik emas, balki ularning hududiy umumiyligi tushuniladi