Glossariy agrar (lot agrarius) – sanoatga nisbatan qishloq xo‘jaligi ishlab chiqarishi asosiy o‘rinda turishini ifodalovchi so‘z. Agregat

MASHINASOZLIK – xalq xo‘jaligining turli tarmoqlari uchun mashinalar va mashina asbob-uskunalari ishlab chiqaradigan og‘ir sanoat sohalari majmui.
MASHINACHI – tikuv mashinasida kiyim-kechak tikuvchi usta, chevar.
MASHQ – biror faoliyatni puxta o‘rganish, malaka hosil qilish uchun bajariladigan ish, tayyorgarlik mashg‘uloti.
MAQSAD – inson amaliy faoliyatining avvaldan fikran o‘ylangan natijasi. Maqsad insonlarga xos bo‘lib, uni kelajakning loyihasi, deb ta’riflash mumkin. Ehtiyoj, manfaat, motiv individ yoki ijtimoiy guruh xulq-atvori, faoliyatining muhim tarkibiy qismlari bo‘lsa, maqsad faoliyat yo‘nalishini belgilovchi elementdir. Maqsadning shakllanishiga subyektning ehtiyoj va manfaatlari kuchli ta’sir o‘tkazadi.
MASLAHAT (arabchadan umum manfaati; foyda) – 1) biror ishni qanday qilish yoki umuman nima qilish kerakligi haqida yo‘l-yo‘riq tarzidagi fikr, mulohaza; 2) tavsiya, taklif tarzidagi gap.
MAYL – tirik organizmning biror ehtiyojini qondirishga intilishi. U qo‘msash, noaniq ichki dard, sababsiz zerikish tuyg‘ulari tarzida kechishi mumkin. Intilish, havas, tilak, xohish, ishtiyoq, hatto orzu ko‘rinishlarida ham mujassamlashali. U bajo keltirilgan taqdirda kishiga mamnuniyat bahsh etadi.
MA’LUMOT – ta’lim-tarbiya natijasida o‘zlashtirilgan va tizimlashtirilgan bilim, hosilqilingan ko‘nikma va malakalar hamda tarkib topgan dunyoqarash majmui.
MEHNAT – 1) inson ehtiyojini qondirish asosida tashqi olamni o‘zgartirishga qaratilgan maqsadli faoliyat; 2) insonning maqsadga muvofiq ijtimoiy foydali faoliyati; eng avvalo tabiat predmetlarini o‘zgartirib, ehtiyojga moslashtirishni bildiradi. Mehnat kishilik jamiyati hayotiningasosiy sharti, chunki u tufayli insoniyatning yashashi uchun zarur bo‘lgan moddiy va ma’naviy ne’matlar yaratiladi. Insonning faoliyati tufayli mehnat predmetlari mahsulotga aylanadi.
MEHNAT BIRJASI – ishsizlarni, ish joyini o‘zgartirishni istovchi shaxslarni ishga joylashtirish bilan shug‘ullanadigan maxsus davlat muassasasi. Mehnat bozorining tashkil etilgan va tartiblanib turadigan shakli.
MEHNAT BOZORI – ish kuchi oldi-sotdi qilinadigan bozor. Mehnat bozorining ishtirokchilari ishga yollovchilar, ishga yollanuvchilar va ular o‘rtasidagi turli vositachilar hisoblanadi. Turli vositachi firmalar, tashkilotlar va agentliklar mehnat bozorining infratuzilmasini tashkil etadi.