Гулистон давлат университети аблакулова Н. А., Абдиқулов З. У

5-Иш
Алкалоидлар миқдорини аниқлаш усуллари.
Алкалоидлар миқдорини аниқлаш усуллари кўп бўлиб, улар алкалоидларни чўктириш, оксидлаш, асос сифатида нейтраллаш ҳамда турли рангдаги бирикмалар ҳосил қилишга асосланган. Маҳсулот таркибидаги алкалоидлар миқдорини аниқлаш усуллари асосан 3 босқичдан иборат.
1. Алкалоидларни маҳсулотдан эритувчилар ёрдамида ажратиб олиш.
2. Алкалоидларни турли аралашмалардан тозалаш.
3. Тоза алкалоидлар миқдорини турли усуллар билан аниқлаш.
Маҳсулотдаги тропан гуруҳига кирувчи алкалоидлар миқдорини аниқлаш. Майдаланган (диам.1 мм) баргдан аниқ10 г тортиб олиб, 250 мл ли шишага солинади. Устига 150 мл эфир ва аммиакнинг конц.эритмасидан 7 мл қўшиб, 1 соат давомида чайқатилади. Бунда асос ҳолида эриб, эфирга ўтган алкалоид эритмасини дарров 200 мл ҳажмдаги бошқа шишага пахта орқали фильтрланади, устига 5 мл дист.сув қўшиб чайқатилади ва тиндирилади. Тинган эфирни ажратмадан 90 мл ни цилиндрга ўлчаб 200 мл ли бўлувчи воронкага қуйилади. Цилиндрга 2 марта 10 мл дан эфир солиб чайилади ва уни воронкадаги эфирли ажратмага қўшилади. Алкалоидлар туз ҳолида эриб ўтган 1% ли HCl ни 200 мл ли бошқа бўлувчи воронкага диам. 5 см ли фильтр қоғоз орқали фильтрланади. Кислота қисми ажратиб олингандан сўнг эфирли ажратмаган 15 мл 1% ли Cl қўшиб, 3 дақиқа давомида чайқатилади. Шундан кейин кислота қисми ажратиб олиниб, олдинги кислота қисмига қўшилади. Эфирли ажратмага охирги марта 1% HCl дан 100 мл қўшиб, чайқатиб, кислота қисми ажратиб олинган эфирли ажратмада алкалоид қолмайди. Алкалоидлар эритмаси фильтланган фильтр қоғоз 2 марта 5 мл дан 1% ли HCl билан чайилади ва шу воронкага қуйилади. Абсолют қуритилган махсулотдаги алкалоидларнинг % миқдори қуйидаги формула бўйича ҳисобланади.

бунда Х-маҳсулот таркибидаги алкалоидларнинг % миқдори. а-асос ҳолидаги алкалоидни эритиш учун олинган 0,02 мол\л HCl нинг мл миқдори, в-реакцияга киришмай қолган 0,02 н HCl титрлаш учун кетган 0,02 мол\л NaOH нинг мл миқдори. Р-ҳисоблаш учун олинган маҳсулот оғирлиги (алкалодлар эфирдаги бошланғич ажратмасининг ҳар 15 миллилитри таҳлил учун олинган маҳсулотнинг бир граммига тўғри келиши ҳисоби бўйича) W-маҳсулотни абсолют қуритилганда йўқотилган намлик миқдори.