Hayot faoliyati xavfsizligi faniga kirish reja

Oltinchi aksioma: “ob‟ektni xavflardan himoya qilish texnik nuqtai nazardan 
mumkin; buning uchun manbadan chiqayotgan oqimni pasaytirish, manba va 
ob‟ektning o„zaro ta‟sir vaqtini kamaytirish, ular orasidagi masofani uzaytirish, 
himoya tadbirlarini qo„llash kerak”. Odamlarda Hayot faoliyati xavfsizligi 
bo„yicha bilimlar va ko„nikmalar bo„lmasa, har qanday faoliyatda xavflar bilan 
to„g„ri munosabat qilish va himoya vositalarini muvaffaqiyatli qo„llashning iloji 
bo„lmaydi. Aholini va ishlovchilarni Hayot faoliyati xavfsizligimasalalari bo„yicha 
maxsus o„qitish, o„rgatish-zamonaviy jamiyatning eng muhim ilmiy-amaliy 
masalalaridan biridir. Bu keyingi aksiomaga borib taqaladi. 
Ettinchi aksioma: “Odamlarning xavflar dunyosida va himoya usullarida 
vakolatliligi –hayotiy faoliyat xavfsiz bo„lishining zaruriy shartidir”. 
Hayot faoliyati xavfsizliginazariyasining aksiomalariga suyanib,
Hayot faoliyati xavfsizligining talablariga javob beradigan hayotiy makonni 
barpo qilish bo„yicha ilmiy-amaliy faoliyatning asosiy bosqichlarini aniqlash 
mumkin: 
I - bosqich. Xavf manbalarini identifikatsiyalash 
Bunda o„rganilayotgan hayotiy fazodagi manbalar ko„zda tutiladi. Avvalo har 
bir manbadan chiqayotgan modda, energiya va axborot oqimlari aniqlanadi va 
bayon etiladi, keyin o„sha fazoda hamma manbalarning jamlanma oqimlari 
aniqlanadi. Fazo-texnosferaning fazosi bo„lib, ish o„rni, shahar hududi, hayotiy 
muhit, transport vositasining ekspluatatsiya zonasi yoki saloni kabilar tushuniladi. 
Ish zonasi-ish o„rni joylashgan, pol yoki maydoncha yuzasidan 2 metrgacha 
balandlikni qamrab olgan fazo. 
Ish o„rni-ishlovchining doimiy yoki vaqtinchalik faoliyat (50% dan ortiq 
yoki uzlyuksiz 2 soatdan ko„p ishlaydigan) zonasi. 
Identifikatsiyalashda hamma turdagi xavf manbalari (tabiiy,texnogen va 
antropogen)ni alohida-alohida va boshqalari bilan bog„liqlikda hisobga olish kerak. 
Bunda “hamma narsa hamma narsaga ta‟sir etadi” degan printsipdan kelib chiqishi 
kerak. Boshqacha aytganda, himoya ob‟ekti bilan o„zaro ta‟sirga kirishuvchi va 
joiz qiymatidan ortib ketuvchi har qanday oqim xavf manbai bo„lishi mumkin.