Hayot faoliyati xavfsizligi faniga kirish reja

II - bosqich. Hayotiy fazodagi xavfli zonalarni aniqlash
Oqimlarning turlari va qiymatlari ta‟sir doirasini hisoblash tadqiqotning muhim 
bosqichi hisoblanadi. Manbaning ta‟sir doirasini va ishlovchi yoki aholining turish 
zonalarini taqqoslab, vaqt va makondagi xavfli zona (doira)larni aniqlash mumkin. 
Ular loyihalardayoq bartaraf qilinishi yoki hayot faoliyati xavfsizligi masalalrini 
hal qilishning keyingi bosqichlarida eng kam darajaga keltirilishi lozim. 

---

III - bosqich. Xavf manbalarini texnosferaning hayotiy fazosi holatini 
ekspertiza qilish talablari bo„yicha takomillashtirish  
Ilmiy-amaliy faoliyatning bu bosqichi xavf manbaidan chiqadigan oqimlarning 
joiz darajasi bo„yicha me‟yoriy talablarni amalga oshirishdan iborat, ya‟ni 
ob‟ektning odamlarga va atrof muhitga zararli ta‟sirini baholashdagi ekspert 
talablar bajo keltiriladi. Xuddi shunday ish texnikaviy xatarni tahlil qilishda 
bajariladi. Texnik tizimlar va ob‟ektlarni ekspluatatsiya qilishdagi texnikaviy xavf 
joiz qiymatlardan oshmaydigan vaziyatda avariyalar bilan bog„liq texnikaviy xavf 
bo„lmaydi, deb hisoblanadi. 
Bu uchinchi bosqich davlat organlari (Davsanoatkomtexnazorat, Davlat 
tabiatni muhofaza qilish qo„mitasi) xavf ob‟ektining xavfsizligi va ekologikligi 
haqida ijobiy xulosa qilishi bilan yakunlanadi. 
IV - bosqich. Himoya vositalari va tadbirlarini qo„llash 
Hayot faoliyati xavfsizligining me‟yoriy talablarini bajarish imkoni 
bo„lmaganda, shuningdek, bir nechta manbaning birgalikdagi ta‟siri joiz 
chegaradan oshib ketganda odam turgan zonada himoya tadbirlari va vositalarini 
qo„llash kerak. 
Texnika vositalari va texnologiyalarni barpo qilishda va qayta qurishda 
xavflardan himoyalashning quyidagi choralarini qo„llash mumkin: xavf manbai 
bilan odamni masofadan turib boshqarish hisobiga ajratib qo„yish, manbani 
ekspluatatsiya qilish vaqti bilan odam faoliyati vaqtini boshqa –boshqa tayinlash 
(ta‟mirlash-sozlash ishlarida), manbani va himoya ob‟ektini to„sib qo„yish, 
himoyalash tadbirlarini o„z vaqtida ishga tushirish va boshqalar.