Hayot faoliyati

Nazorat savollari

1. Ekologiya nima?

2. Ekologik muammolarga misollar keltiring.

3. Ichimlik suvini tejash bo‘yicha qanday xatti-harakatlarni

olib borish kerak?

4. Sho‘rlanish va cho‘llanish tushunchalarini ta’riflang.

5. Genetik takomillashtirilgan mahsulotlar, deganda qanday

mahsulotlar tushuniladi?

6. Oziq-ovqat tanqisligining sabablarini ko‘rsating.

149

XVI MAVZU. O‘ZBEKISTON, MARKAZIY OSIYO

MINTAQASI VA XALQARO MIQYOSDA YUZAGA

KELAYOTGAN EKOLOGIK TAHDIDLAR

Ekologik muhitning buzilishi insoniyatning yashab qolishiga

xavf soluvchi asosiy omil bo‘lib qolmoqda. Shu sabab

eng asosiy harakat yoshlarda ekologik ong va madaniyatni

shakllantirishdan iborat bo‘lmog‘i lozim.

Ekologik ong va madaniyatni shakllantirishga yo‘naltirilgan

ta’lim-tarbiya va targ‘ibot-tashviqot tizimining: oila, mahalla,

maktabgacha tarbiya va ta’limning barcha bo‘g‘inlari o‘rtasidagi

uzluksizlik tamoyili yoshlarning tabiat muhofazasi haqidagi

nazariy bilimlarini va amaliy ko‘nikmalarini shakllantirishda

muhim ahamiyatga egi. Zero, kishilarning tabiat muhofazasiga

doir faoliyatlari samaradorligi aynan shu bosqichlarni qay

darajada izchil tashkil etish bilan uzviy bog‘liqdir.

Yoshlarda ekologik ongni, madaniyatni rivojlantirish zarurati

va dolzarbligi shundaki, birinchidan, yuqorida ko‘rsatilgan

tizim elementlari, bosqichlari jamiyatning hamma a’zolarini

qamrab oladi va inson hayotida umumiy ijtimoiy ong kompleksi

shakllanadigan tarixiy muhit hisoblanadi. Ikkinchidan, turli

ijtimoiy faoliyat yo‘nalishlarini ekologik ehtiyoj va tabiat

muhofazasi manfaatlari doirasida mujassamlashtirish vazifasi

ta’lim-tarbiya, targ‘ibot-tashviqot tizimi usullari va vositalarini

uyg‘unlashtirib, yoshlarning dastlabki nazariy bilimlarini, amaliy

ko‘nikmalarini chuqurlashtirish va kengaytirish vositasidir.