Hayotning 101 qoidasi Uzbekistan 978-613-9-45185-2

4. 
Qat’iy muhabbatni o’rganing
 
Muvaffaqqiyatli va ma’noli hayotning oltin kaliti bu - o’zingizni boshqarishingiz, 
ya’ni intizomdir. Intizom siz qalbingizdan bilib, qilishingiz shart bo’lgan lekin 
bajarishni istamagan ishlarni qilishga undaydi. Intizomsiz maqsad qo’yolmaysiz, 
vaqtingizni samarali o’tkazolmaysiz, qiyinchilik paytlarida matonat bilan turolmaysiz, 
sog’lig’ingizga e’tibor qaratolmaysiz yoki ijobiy fikrlay olmaysiz. Men o’z-o’zini 
boshqarishni “Qat’iy muhabbat” deb nomladim. Sababi o’zingizga qanchalik qat’iyatli 
bo’lsangiz bu muhabbatingizdan dalolat beradi. O’zingizga qattiqqo’l bo’lganingiz sari, 
hayotingizda yana ham yaxshiroq yashashni boshlaysiz. Xuddi daraxt yaprog’i kichik 
daryo o’zanida shunchaki oqimga qarab suzib ketayotgandek, hayotga aks-ta’sir 
ko’rsatib yashash emas, o’zingizning ajralib turuvchi yo’nalishingiz bo’yicha yashaysiz. 
Seminarlarimda aytganimdek o’zingizga qanchalik qat’iyatli bo’lsangiz hayotingiz 
shunchalik osonlashib boradi. Hayotingizning sifati bora-bora siz chiqargan qaror va 
tanlovlarning sifatiga ko’ra sayqallanib boradi. Masalan, siz tanlagan kasbdan tortib 
o’qish uchun sotib olgan kitobingizgacha, ertalab turmoqchi bo’lgan vaqtingizdan 
boshlab, kuni bilan nimani o’ylashni tanlashingizgacha. Siz to’g’ri deb bilgan (ammo 
oson bo’lmagan) tanlovlaringiz orqali irodangizni tadrijiy kuchaytirib borganingizda, 
sizning ustingizdan o’tkazgan nazoratni hayotdan qaytarib olasiz. Muvaffaqqiyatli 
insonlar hech qachon vaqtlarini oson va tez bajariladigan narsalarga sarflamaydi. 
Ularning ichki intuitsiyasiga quloq solishga va aqlli ishlarni qo’rqmasdan bajarishga 
dovyurakligi bor. Aynan shu odat ularni buyuk qiladi.
“Muvaffaqqiyatli inson omadsizliklarni odat qilib oladi”, yozuvchi va faylasuf E.M 
Gray XIX asr ingliz yozuvchisi Tomas Genriy Huksley ham shunga o’xshash xulosaga 
kelgan edi: “Bebaho natijalar o’zingiz hatto yoqtirmasangiz ham qilinishi shart bo’lgan 
narsalarni bajarganda yuzaga keladi”. Aristotel shu fikrga yana ham donolarcha 
yondashib shunday degan ekan:”Biz nimanidir o’rganmoqchi bo’lsak, uni avval amalda 
qo’llash orqali o’rganamiz: inson bino qurishi orqali quruvchi bo’ldi, arfa cholg’uchi 
uni chalish orqali cholg’uchi bo’ldi. Xuddi shunday biz qanday harakatni bajarsak, 
shunday odamga aylanamiz: o’zimizni nazorat qilish orqali o’zini nazorat qiluvchi 
shaxsga aylanamiz, mardlarcha harakatimiz orqali mard, jasur insonga aylanamiz ”.