Hisob siyosаti vа moliyaviy hisobot [Oʼzbekiston Respublikasi Аdliya vazirligi tomonidan 1998 yil 14 avgustda 474-son bilan davlat roʼyxatidan oʼtkazilgan]

OʼZBEKISTON RESPUBLIKАSI BUXGАLTERIYA HISOBINING MILLIY STАNDАRTI
2-SONLI BHMS
ASOSIY XO’JALIK FAOILYATIDAN TUSHGAN DAROMADLAR
[O‘zbekiston Respublikasi Adliya vazirligi tomonidan 1998 yil 26 avgustda 483-son bilan davlat ro‘yxatidan o‘tkazilgan]
Mazkur Buxgalteriya hisobining milliy standarti (BHMS) «Buxgalteriya hisobi to‘g‘risida»gi O‘zbekiston Respublikasining Qonuniga asosan ishlab chiqilgan va O‘zbekiston Respublikasida buxgalteriya hisobini normativ tartibga solish elementi bo‘lib hisoblanadi. Moliyaviy hisobotni tayyorlash va taqdim etish uchun konseptual asos doirasida daromadlar hisobot davrida xususiy kapital egalari tomonidan qo‘yilma bilan bog‘liq ko‘payishdan tashqari xususiy kapitalni ko‘payishiga olib keladigan aktivlarning ko‘payishi yoki majburiyatlarning kamayishi ko‘rinishidagi hisobot davrida iqtisodiy nafning ko‘payishi sifatida aniqlanadi. Xo‘jalik faoliyatidan daromad asosiy, operasion va moliyaviy faoliyatdan daromadlarni o‘z ichiga oladi. Mazkur standartda daromad deganda xo‘jalik yurituvchi sub'ektning odatiy faoliyati davomida olingan daromadlar, shu jumladan mahsulot realizasiyasidan (ishlarni bajarish va xizmat ko‘rsatish) daromadlar, olingan foizlar, dividendlar, royaltilar va boshqalar tushuniladi. Mazkur standartning maqsadi xo‘jalik yurituvchi sub'ektning asosiy xo‘jalik faoliyatidan daromadlarini va ularni hisobga olish tartibini belgilash hisoblanadi. Asosiy xo‘jalik faoliyatidan daromadlarni hisobga olishda asosiy masala bo‘lib daromadni tan olish vaqtini aniqlash hisoblanadi. Asosiy xo‘jalik faoliyatidan daromad xo‘jalik yurituvchi sub'ektga kelgusida iqtisodiy naf tushishi ehtimoli bo‘lgan paytda, shuningdek bu nafni ishonchli va aniq o‘lchash mumkin bo‘lganda aks ettiriladi. Bu standart mazkur mezonlar bo‘yicha talablar bajariladigan va binobarin, asosiy xo‘jalik faoliyatidan tushadigan daromad e'tirof etiladigan vaziyatni belgilab beradi. Shuningdek u mazkur mezonlarni qo‘llanish yuzasidan amaliy ko‘rsatmalar beradi.
Ushbu standartda qo‘llaniladigan atamalar: