Huquq ijodkorligi tushunchasi

Birinchi prinsip, huquqiy ijodkorlikning halqchil xarakterga egaligi. Huquqiylikka intilayotgan davlat qonunchilik faoliyatida о`z halqining keng qatlamlari bilan yaqindan aloqada bо`lishi zarur. XVIII asrning о`rtalarida yashagan fransuz huquqshunos-faylasufi SH. Monteskye «Qonun chiqarish xokimiyati halqqa tegishli bо`lishi kerak degan qoida demokratiyaning asosiy qonunlariga tegishlidir» ^1[23] – degan edi.
Huquq ijodkorligining halqchil xarakteri shunda kо`rinadiki, birinchidan, qonun chiqaruvchi organlar xalq deputatlaridan tashkil topadi, ular xalq vakillaridir; ikkinchidan, huquqiy ijodkorlikning barcha subyektlari о`zlarining huquqiy normativ aktlarida fuqarolarining manfaatlarini aks ettiradilar.
Ikkinchi prinsip, huquq ijodligining demokratizmi. Bu vakillik organining о`zi tomonidan hujjatni tayyorlash va qabul qilishning demokratik jarayonida, shuningdek, huquqiy ijod faoliyatiga fuqarolarni keng jalb qilishda kо`rinadi. Qonun loyihalarini ishlab chiqish va qabul qilish jarayoni ham о`zgardi: endi u ancha izchil va oshkoraroq bо`ldi.
Qonunlarning umumxalq muhokamasi amaliyoti ham keng tatbiq qilina boshladi. Ular mehnat jamoalarida, seminarlarda muhokama qilinayapti. Bunga matbuot, televideniye, radio keng jalb etilmoqda. Kо`pchilik fuqarolar, shu jumladan huquqshunos-olimlar va amaliyotchilar qonun loyihalari bо`yicha о`zlarining shaxsiy mulohazalarini bildirayaptilar va ularni qonun ijod qiluvchi organlarga jо`natayaptilar. Qonun loyihalari markaziy va mahalliy nashrlarda e`lon qilinmoqda. Muhokama chog`ida kelib tushgan taklif va mulohazalar huquq ijod qiluvchi organ tomonidan tahlil qilinadi va tayyorlanayotgan qonun hujjatlariga zarur о`zgartishlar kiritiladi.
Tо`g`rilangan va tо`ldirilgan qonun loyihasi huquq ijod qiluvchi organ muhokamasiga kiritiladi.
Eng muhim qonun loyihalari umumxalq ovoz berishiga (referendumga) chiqarilishi mumkin, bu huquq ijodkorligida demokratizmning yorqin ifodasidir.