I – Бўлим I- боб. Техник эксплуатация қилишни ташкилаштириш

 
48. 
Қўйидагилардан билими текширилади (имтиҳон қилинади): 
меҳнат муҳофазаси бўйича йўриқномалар, меъёрлар, қоидалар ва бошқа махсус қоидалар, агар 
бажариладиган иши ушбу билимларни билишини талаб қилса;
соҳанинг техник эксплуатация қилиш қоидалари (ТЭҚ), хавфсизлик техникаси қоидалари (ХТҚ) ва ёнғин 
хавфсизлиги қоидалари (ЁХҚ) бўйича билими; 
қурилмаларнинг ишлаш принциплари ва тузилиши, назорат-ўлчов асбоблари ва бошқарув воситаларини 
билиши; 
лавозим ва ишлаб чиқариш йўриқномаларини, авариявий режим, аварияни бартараф этиш режаларини 
(йўриқномаларини) билиши; 
хавфсизлик техникаси воситаларининг ишлаш принциплари ва тузилишларини, аварияга қарши ҳимоя 
воситаларини билиши; 
энергия ишлаб чиқариш жараёни ва технологик схемаларни билиши; 
ҳимоя воситаларини билиши; 
энергия ишлаб чиқариш жараёни ва технологик схемаларни билиши; 
қурилмаларни хавфсиз эксплуатация қилиш шартларини, “Саноатгеоконтехназорат” ва бошқа ҳ. органлар 
назорати остидаги объектлар (иншоатлар) ва энергетик ускуналарни билиши; 
ҳимоя воситаларидан фойдаланишни билиши ва бахтсиз ҳодиса руй берганда жабрланувчига биринчи 
ёрдам кўрсатишни билиши. 
Раҳбарлар ва ҳамма тоифадаги мутахасислар учун билими мажбурий имтиҳон қилиниши керак бўлган 
раҳбарий ва тартибий ҳужжатларнинг рўйхати, уларнинг касб мажбуриятларидан келиб чиқиб 
аниқланади (белгиланади) ва мувофиқ имтиҳон ҳайъатини бошқарувчи энергетик объект (ташкилот) 
раҳбари томонидан тасдиқланади. 
 
49. 
Белгиланган муддатларда имтиҳондан ўтмаган ишчиларга қурилмаларни бошқариш учун 
мустақил ишлашга рухсат бериш таъқиқланади. 
 
50. 
Билими қониқарсиз баҳоланган шахс, бир ой ичида такроран имтиҳондан ўтиши шарт. 
Иккинчи маротаба имтиҳон топшира олмаган мутахассиснинг эгаллаб турган мансабига лойиқлиги, 
меҳнат қонунчилигига асосан иш берувчи томонидан ҳал этилади.