2.2-§. Kompleks yondashuv asosida bo‘lajak boshlang‘ich sinf o‘qituvchilarining iqtisodiy madaniyati rivojlanishini tadqiq qilish vazifalari va metodikasi
O‘zbekiston Respublikasi hukumati va Prezidenti olib borayotgan ijtimoiy-iqtisodiy siyosatda mamlakat hayotining barcha jabhalarini tubdan rivojlantirishga, ayniqsa kelajak avlodni sog‘lom unib-o‘sishi uchun barcha zaruriy shart-sharoitlar yaratishga muhim ahamiyat berilmoqda. Respublikamizning ijtimoiy, iqtisodiy kamoloti yosh avlodning sa’yi harakatlariga bog‘liq ekanligi endi hech kimga sir emas, o‘sib kelayotgan yosh avlod va ularning kelajakda qanday kasb egallashlariga qarab, respublikamiz kelajagi yoshlarning qo‘lida ekanligini hayotning o‘zi taqozo etmoqda. Yoshlar faoliyati farovon hayotimiz mezonidir. SHu ma’noda yoshlarning tarbiyasiga jiddiy e’tibor bermog‘imiz lozim. Yoshlar ta’lim tarbiyasi har bir ota-onaning, o‘qituvchi tarbiyachining Vatan oldidagi muqaddas burchidir. O‘zbekiston Respublikasi Prezidenti Shavkat Mirziyoev 2017 yil 26 sentyabr kuni "Pedagog kadrlarni tayyorlash, xalq ta’limi xodimlarini qayta tayyorlash va ularning malakasini oshirish tizimini yanada takomillashtirish chora-tadbirlari to‘g‘risida"gi qarori [6] O‘zbekiston Respublikasida ta’lim sohasida amalga oshirilayotgan ishlarning mantiqiy davomi bo‘lib, pedagog kadrlarni tayyorlash, qayta tayyorlash va ularning malakasini oshirish sifatini ko‘tarishga xizmat qilmoqda.
Bozor munosabatlariga o‘tish sharoitida oliy ta’lim muassasalarida ijtimoiy – iqtisodiy, siyosiy, madaniy va axloqiy muammolarni hal qilish dolzarb vazifaga aylanib bormoqda. XXI asr yoshlarini tayyorlashda, oliy ta’lim muassasalarida bo‘lajak mutaxassislarni tayyorlashda ularning kasbiy kompetentligini oshirishda, o‘quv jarayoniga yangi dasturlarni olib kirishni talab etadi.
Bo‘lajak o‘qituvchilarni iqtisodiy madaniyatining o‘ziga xos xususiyatlariga ko‘ra oliy ta’lim muassasalarida uni tashkil etish jarayoni quyidagi vazifalarni bajarishi kerak:
Do'stlaringiz bilan baham: |
