I qism. Qurilish tashkilotlarida buxgalteriya hisobining xususiyatlari

2.1-жадвал
Қурилиш машиналари ва механизмларини эксплуатация қилиш харажатларини счётларда акс эттириш

№	Операциянинг мазмуни	Сумма	Дебет счет	Кредит счет	Асос бўлувчи ҳужжат
1	Ҳисобланган иш ҳақи -кран машинстига -бульдозер ҳайдовчисига -буёқ пуркагич аппарати Ходимларига	400000 200000 300000	2521 2522 2523	6710 6710 6710	Ҳисоб-тўлов қайдномаси
2	Ҳисобланган ижтимоий суғуртага ажратма ( ҳисобланган иш ҳақи суммасидан 24 % миқдорида) -кран машинстига -бульдозер ҳайдовчисига -буёқ пуркагич аппарати Ходимларига	96000 48000 72000	2521 2522 2523	6520 6520 6520	Ҳисоб-китоб
3	Сарфланган материаллар -кран учун -булодозер учун -бўёқ пуркагич аппарати учун	300000 100000 100000	2521 2522 2523	1010-1090	Материал ҳисоботи
4	Ҳисобланган амортизация -кран учун -бульдозер учун -бўёқ пуркагич аппарат учун	150000 80000 50000	2521 2522 2523	0230 0230 0230	Ҳисоб-китоб
5	Ижара ҳақи суммасига (бульдозер ковуши учун)	100000	2522	6910	Ҳисоб-китоб
6	Ёрдамчи ишлаб чиқариш харажатлари (кран бўйича)	1000000	2521	2310	Ҳисоб-китоб
7	Қурилиш машиналари ва механизмларини эксплуатация қилиш харажатларининг ҳисобдан чиқарилишига -кран учун -бульдозер учун -бўёқ пуркагич аппарати учун	1946000 528000 522000	2010 2010 2010	2521 2522 2523	Ҳисоб-китоб

Қурилиш машиналари ва механизмларини эксплуатация қилиш харажатлари, одатда, улар ҳисобот даврида қайси объектда ишлатилган бўлса, ўша объект таннархига киритилади. Агар ҳисобот даврида қурилиш машиналари ва механизмларидан бир нечта объектларда фойдаланилган бўлса, у ҳолда ушбу харажатлар қурилиш объектлари ўртасида махсус ҳисоб-китоб асосида тақсимлаб чиқилади. Харажатларни қурилиш объектлари ўртасида тақсимлаб чиқиш қуйидаги кетма-кетликда амалга оширилади:

(1) дастлаб ҳисобот даврида қурилиш машиналари ва механизмларига сарфланган жами харажатлар уларнинг ҳар бири бўйича юқорида келтирилган бухгалтерия ёзувлари асосида топиб олинади;
(2) қурилиш машиналари ва механизмларининг ҳисобот даврида барча объектларда ишлаган жами иш вақти (машина/соат) билдирги-нарядлар ва маълумотномалар асосида топилади;
(3) машина ва механизмларнинг 1 соатлик ишига тўғри келадиган харажат суммаси топилади, бунинг учун жами харажатлар жами ишланган машина/соат миқдорига бўлинади;
(4) бир соатга тўғри келувчи харажатларни машина ва механизмларни ҳар бир қурилиш объектида ҳақиқатда ишлаган вақтига кўпайтириш йўли билан улар таннархига киритиладиган харажатлар суммаси топилади.
Мисол. Айтайлик, юқорида келтирилган жадвалдаги харажатлар қурилиш ташкилотида қурилиш ишлари олиб борилган учта объектга тааллуқлидир. Кўтариш кранининг иш вақти 240 соат ва у «А» объектга тегишли, бульдозернинг ишлаган жами иш вақти 200 соат, шундан: «А» объектга –96 соати, «Б» объектга 64 соати ва «В» объектга 40 соати тегишли. Бўёқ пургагич аппаратидан фойдаланиш вақти 150 жами соат, унинг 86 соат «Б» объектга ва 64 соати «В» объектга тегишлидир.
Ушбу маълумотларга ва юқорида изоҳи берилган тартибга асосан қурилиш машиналари ва мехаизмларини эксплуатация қилиш харажатлари қурилиш объектлари бўйича қуйидагича тақсимот қилинади (2.2-жадвал).