I qism. Qurilish tashkilotlarida buxgalteriya hisobining xususiyatlari

4.3-жадвал
Капитал қурилишдаги статистик ҳисоботнинг бирхиллаштирилган шакллари рўйхати

Т/р	Статистика ҳисоботи шаклларининг номи	Шаклнинг тартиб рақами	Даврий- лиги	Киритилган ўзгартириш ва қўшимчалар
1	Якка тартибда қурилган уй-жой биноларини ишга тушириш тўғрисида ҳисобот	1-ЯТУЖҚ	йиллик	Собиқ шакли сақланиб қолади
2	Ижтимоий соҳа объектларининг ишга туширилиши ва қурилиш ишларининг бажарилиши тўғрисида ҳисобот	1-КС	йиллик	Шакллар мазмуни Ўз.Р. Президентининг 2003 йил 6 майдаги 3240-сон Фармонига ва Фармонни бажариш юзасидан қабул қилинган Ҳукумат қарорларига мувофиқ тўлдирилади
3	Қурилиш ишларининг бажарилиши тўғрисида ҳисобот	1-КС	ойлик
4	Лойиҳа-қидирув ишлари қиймати тўғрисида ҳисобот	4-КС	йиллик
5	Тугалланмаган қурилишлар аҳволи тўғрисида ҳисобот	8-КС	йиллик
6	Атроф муҳитни муҳофаза қилиш ва табиат ресурсларидан оқилона фойдаланишга йўналтирилган асосий капиталга киритилган инвестициялар тўғрисида ҳисобот	18-КС	йиллик
7	Харид қилинган асосий қурилиш материаллари, қисмлар, конструк-циялар ва ускуналар нархи тўғрисида ҳисобот	9-КС	ойлик	Янгидан кири-тилган (молиялашти-ришнинг марказ-лаштирилган манбалари ҳисобига қурилаётган объектлар бўйича тақдим этилади)
8	Бажарилган ишлар (қилинган харажатлар) қиймати тўғрисида маълумотнома – счёт-фактура		ойлик	2-КС ва 3-КС шакллар ўрнига янгидан киритилган

Қурилиш ташкилотларида юқорида келтирилган жадвалдаги статистика ҳисоботларини тузиш бухгалтерияга юклатилади. Уларни тузишга асос бўлиб бажарилган ишлар, уларга кетган сарф-харажатлар, сотиб олинган материаллар, конструкциялар, ускуналарга гувоҳлик берувчи бошланғич ҳужжатлар, шунингдек ҳисоб регистрлари маълумотлари ҳисобланади.

Қурилиш ташкилотларида молиявий ҳисобот шаклларини тўлғазишда Ўзбекистон Республикаси Молия вазирлиги томонидан 2002 йил 27 декабрда 140-сон буйруқ билан тасдиқланган «Молиявий ҳисобот шаклларини тўлғазиш бўйича тартиб»га асосланилади. Қуйида ушбу тартибга асосланилган ҳолда молиявий ҳисобот шаклларининг алоҳида моддаларини тўлғазиш хусусиятларига тўхталамиз.