Ii bob: omonatdorlik

*** 
Olovdan bo‘lgan libos 
Xaybar g‘azotidan keyin musulmonlar «Quro vodiysi» deb ataladigan 
joyga borib yuklarini qo‘ydilar. Tuyalari ustidan narsalarini tushirib, joy 
hozirlay boshladilar. 
11

---

Axloq qissalari
قﻼﺧﻷا ﰲ ﺺﺼﻗ
Rasululloh sollallohu alayhi vasallamning Mid’am ismli xizmatchilari 
bo‘lib, u zotning yuklarini tushirish uchun bordi. Shu payt mushriklardan 
biri unga o‘q uzgan edi, o‘sha zahoti joni uzildi. Odamlar: «Jannat unga 
muborak bo’lsin!» – deyishdi. 
Nabiy sollallohu alayhi vasallam ularga: «Yo‘q, jonim qo‘lida bo‘lgan 
Zotga qasamki, u Xaybar kuni o‘ljalar taqsimlanishidan oldin olgan 
shamlasi (odamlar yopinchiq qilib to‘qib oladigan kiyim) hali do‘zaxda 
uning ustida olov bo‘lib yonadi» – deb aytdilar. 
Shunday qilib Nabiy sollallohu alayhi vasallam sahobalariga haligi 
kishining taqsimlanmay turib musulmonlarning o‘ljalari orasidan bir 
kiyimni olgani uchun do’zaxda azoblanishini xabar qildilar. 
Musulmonlar buni eshitgach, o‘zlariga qayg‘urib do‘zaxdan qo‘rqdilar. 
Ularning har birlari o‘ljalardan bo‘lgan biror narsa yo‘qmikan deb 
yuklarini tekshira boshladilar. Shunda bir kishi bitta yoki ikkita etik 
bog‘ichini olib keldi. Nabiy sollallohu alayhi vasallam esa: «Olovli bog‘ich, 
(yoki olovli ikkita bog‘ich)» – dedilar. 
*** 
Kelishuv 
Kechalarning birida bir necha qabilaning o‘tkir qilich ko‘tarib olgan 
baquvvat kishilari bir joyda to‘planib, Nabiy sollallohu alayhi vasallamning 
uylariga bildirmay borish-da, eshik oldida to‘xtashdi. Ular hammalari bir 
12

---

Axloq qissalari
قﻼﺧﻷا ﰲ ﺺﺼﻗ
varakayiga qilich bilan zarba berib Nabiy sollallohu alayhi vasallamni 
o‘ldirishga qaror qilishgan edi.
Alloh taolo Nabiy sollallohu alayhi vasallamga ularning bu 
kelishuvlarini bildirib, Makkani tark etishga va Yasribga hijrat qilishga 
buyurdi. 
Nabiy sollallohu alayhi vasallamda Makka ahlining bir talay 
omonatlari va mollari bor edi. U zot hijrat qilishga qaror qilgach, 
amakilarining o‘g‘li bo‘lmish Ali ibn Abu Tolib roziyallohu anhudan 
to‘shaklarida uxlashni va mollarni egalariga topshirishni buyurdilar. 
Nabiy sollallohu alayhi vasallam bu ishlari bilan keyingi musulmonlar 
iqtido qilishlari uchun bizlarga omonatda go‘zal namuna ko‘rsatdilar. 
Kofir va mushriklarning ozor-u sitamlari u zotning ulardan o‘ch olib mol-
mulklarini olib qo‘yishlariga sabab bo‘lmadi. Aksincha, Rasululloh 
sollallohu alayhi vasallam berilgan bu pullarni o‘z egalariga qaytarish 
zarur bo‘lgan bo‘yinlaridagi omonat deb bildilar. Holbuki, bu kimsalar u 
zotning sahobalariga qattiq ozor berib kelgan edilar. 
Shu bois Nabiya alayhissalomni mushriklarning o‘zlari «Ishonchli 
Muhammad» deb ataganlari hech ham hayratlanarli emas!