Ijtimoiy-iqtisodiy fanlar metodikasi

---

O‘ZBEKISTON RESPUBLIKASI XALQ 
TA’LIMI VAZIRLIGI 
BUXORO VILOYAT XALQ TA’LIMI 
XODIMLARININI QAYTA TAYYORLASH VA 
ULARNING MALAKASINI OSHIRISH HUDUDIY 
MARKAZI 
“IJTIMOIY-IQTISODIY FANLAR
METODIKASI” KAFEDRASI 
“FANDAGI YANGILIKLAR, FANNI 
O‘QITISHNING DOLZARB MASALALARI” 
MODULI 
 
6-MAVZU: TARIX DARSLARIDA 
INTERFAOL METODLARDAN 
FOYDALANISH 
2 soat video dars 
 
 
 
 
 
 

---

6-MAVZU:TARIX DARSLARIDA INTERFAOL METODLARDAN 
FOYDALANISH 
2 soat video dars 
Reja:
1. Interfaol usullar va ulardan ta’lim jarayonida foydalanish
2. Amaliy o‘yin va muammoli ta’lim texnologiyalarining o‘qitishdagi
ahamiyati.
3. Tarix ta’limida interfaol usullarni qo‘llanilishi
Tayanch iboralar: innovatsion ta’lim texnologiyalari, interfaol ta’lim
usullari, an’anaviy usul, amaliy o‘yin, muammoli ta’lim, “juftlikda o‘yla, ishla,
fikr almash”, blis-so‘rov, konseptual jadval, pinbord, klaster, toifali jadval, T-
jadvali, kichik guruhlarda ishlash, munozara, debat.
 
1. Interfaol usullar va ulardan ta’lim jarayonida foydalanish
 Ona yurtimiz O’zbekistonda hozirgi paytda xalq xo‘jaligining barcha 
sohalarida, jumladan ta’lim tizimida ham shiddatli islohotlar olib borilmoqda.
O‘zbekiston Respublikasi Prezidenti Shavkat Mirziyoyev boshchiligidagi ta’lim 
tizimidagi amalga oshirilayotgan islohotlardan ko‘zlangan asosiy maqsad - 
raqobatbardosh kadrlar tayyorlash va 2035 yilda O‘zbekistonning 50 ta rivojlangan 
davlatlar qatoriga qo‘shilishiga munosib hissa qo‘sha oladigan mutaxassis kadrlarni 
tayyorlashga e’tibor qaratilmoqda. Shuning bilan birgalikda xorijiy tajribalarni 
mukammal o’rganib, innovatsion texnologiyalardan foydalanish orqali o‘z milliy
ta’lim tizimimizning sifati va samaradorligini oshirishga alohida e’tibor 
qaratilmoqda. Interfaol metodlarni qo‘llash orqali o‘quvchilarning kreativ,
innovatsion, tanqidiy fikrlash qobiliyatini kuchaytirishga alohida e’tibor 
qaratilmoqda.
2020 yil 29 dekabrda O‘zbekiston Respublikasi Oliy Majlisiga O‘zbekiston 
Respublikasi Prezidenti Shavkat Mirziyoyevning qilgan Murojaatnomasida ham
iqtidorli o‘g‘il-qizlarimizning yuqori texnologiyalar va bilimlarni chuqur 
o‘zlashtirishiga keng sharoit yaratish hamda raqobatbardosh milliy kadrlarning yangi 
avlodini tayyorlash borasidagi islohotlar amalga oshirilib borilayotganligi ta’kidlandi. 
Darhaqiqat, ta’lim tizimidagi izchil va uzluksiz olib borilayotgan islohotlar 
hozirgi davr tarix fani o‘qituvchi oldiga juda katta mas’uliyatli vazifa yuklamoqda. 
Tarix fanlarini o’qitishda tarixiy bilim, tushuncha va tasavvurlarni egallash, ularni 

---

izohlash, ko’nikma, malaka va kompetensiyani shakllantirish orqali o‘quvchilar 
intellektual qobiliyatlarini har tomonlama jadal o’stirishni maqsad qilib olinadi. 
Tarix fanini o‘qitishda quyidagi innovatsion faoliyatga e’tibor berish tavsiya 
qilinadi: shu vaqtgacha an’anaviy ta’limda o’quvchilarni faqat tayyor bilimlarni 
egalashga o’rgatib kelingandi. Bunday usul o’quvchilarda mustaqil fikrlash, ijodiy 
izlanish, tashabbuskorlikni so’ndirar edi Endi o’quv jarayonini yangilangan dastur va 
standart talablariga javob beradigan zamonaviy darslar asosida tashkil etish davri 
keldi. Boshqacha qilib aytganda zerikarli darslar o’rniga darslarni tashkil etishga 
ma’suliyat bilan yondashadigan, kasbiy bilimdon, metodik mahoratga ega,
ma’suliyatli, zamonaviy, interfaol pedagogik texnologiyani mukammal o’zlashtirib 
olgan, innovatsiyalar asosida ta’limni tashkil eta oladigan o’qituvchilarga talab oshib 
bormoqda. 
O‘qituvchi yangi darsga tayyorlanar ekan, unga ijodiy yondashib, har bir darsini 
bitta ijod mahsuliga aylantirsagina ko‘zlagan maqsadiga erishadi. Buning uchun har 
kuni bir xillik darsdan qochib, har darsga bitta yangilik olib kirishi, yangi-yangi 
dars usullarini topishga harakat qilishi, tinmay izlanishi, ijod qilishi va o‘z ustida 
doimiy ishlamog‘i darkor.