Ikki elning tanti

 
AYTAY AJINIYOZ QO'SHIQLARIDAN! 
Men aytay Ajiniyoz qo'shiqlaridan, 
Ruhingiz samoda keng parvoz yozsin.
Sevgisiz qalblarning oshiqlaridan, 
Qo'shiq daryo-daryo nur bo'lib oqsin.
"Bo'z atov" kuylari dilimni yoqdi
Osmonga uchmasin tilaklarimiz.
Qoraqalpoq dardi Orolda oqdi,
Oqmoqda qo'shilib yuraklarimiz.
Kuyungan dilingiz bizlarga saboq
Shoir dardi nurdek charaqlar hamon.
Hali ham ba'zi bir ko'ngillar yamoq,
Yuragim ufurdi shoirlik tomon. 
Yulduzlarni yerga qaratmoq bo'ldim,
Yomon shoirlarni uyaltmoq bo'ldim,
Sizni yana bir bor ko'rmoq istadim
Aytay Ajiniyoz qo'shiqlaridan. 
 
Gulshanoy Isaqova  
Filologiya fakulteti
21.72-guruh talabasi
 
 
 
 
 
 

---

131 
IBROYIM YUSUPOV XOTIRASIGA 
Shoirlik osonmas, shoirlik otash, 
Qirovli yo‘llarda xayollar sarson.
Tinchimas vujudlar olovda sarkash,
Shoirlik yurakka qadalgan kamon.
Jayhun shamollari isingiz olib,
Qoraqalpoq uzra taratar mudom.
She'ringiz ko‘ksimga matonat solib,
Tuyg‘ular uyg‘ondi javobsiz, benom.
Erklikni istagan kuylaringizdan,
Xalq dardi bir qadar bo‘ladi sokin.
Qanoat balqigan o‘ylaringizdan
Bitib qolaverdi yurakning choki.
Cho‘g‘larda toblandi qadamlaringiz
Qalamda sinaldi mehr-muhabbat.
Qog‘ozga aylandi alamlaringiz,
Nomingiz mangudir abadul abad.
Shoirlik osmondir, har shoir yulduz. 
Uchgan yulduzlarga aytarmiz tilak.
Ijoddan charaqlab kecha-yu kunduz,
Siz qutb yulduzi bo‘lsangiz kerak.
Bir xalq bor madh etar bo‘lagingizni,
Ko‘zlarda porlaydi ishonch, sadoqat.
Ekib ketgansiz-ku, yuragingizni,
Nafsning poyiga etmay itoat.
Bayroqlar hilpirar yodingiz misol,
Bahor chechaklarin birga tutamiz.
Qadrdon so‘qmoqlar bo‘ladi timsol,
To‘rg‘aylar izini hamon kutamiz.
Tassanolar aytay qadim Chimboyga, 
Jayhun shabbodasi yeladi o‘ktam. 
Iqboli qo‘shilib sabr, chiroyga,
Qoraqalpog'iston yashagay ko‘rkam. 
Gulshanoy Isaqova  
Filologiya fakulteti
21.72-guruh talabasi