Ishlab chiqarishda buxgalteriya hisobi

SBB (Strategik biznes-birlik – Strategic Business Unit) – xo’jalik yurituvchi subektning 
tashkiliy tarkibini mukammallashtirishga imkoniyat yaratadigan konsepsiY. Bir biznes birligi 
uchun mustaqil strategiyani ishlab chiqishni taqozo qiladi.
SEGMENTLAR BOYICHA HISOBOT – xo’jalik yurituvchi subekt faoliyatining ayrim 
segmentlari (sexlar, bo’limlar, ishlab chiqarish, sotish, ta’minot) boyicha hisobot. 
SMETA – subektning ma’muriyati tomonidan qabul qilingan qarorlarni bajarish yuzasidan 
tuzilgan moliyaviy reja.
SOF FOYDA – soliqlar va boshqa majburiy to‘lovlar to‘langanidan keyin yuridik shaxs 
ixtiyorida qoladigan foyda. 
SOF TUSHUM - bu mahsulot (ish, xizmat)larni sotishdan korxonaning o‘zi ko‘rgan 
daromad bo‘lib, u o‘z ichiga sotilgan mahsulot (ish, xizmat)lar tannarxi hamda korxona yalpi 
foydasini oladi. 
SOTISH BAHOSI - talab va taklifdan kelib chiqqan holda sotuvchi va iste’molchi 
o‘rtasida kelishilgan baho. 
SOTISH TANNARXI – bu sotilgan mahsulot (ish, xizmat)larning ishlab chiqarish 
(bajarish, ko‘rsatish) xarajatlari majmuasi. 
SOTISHDAN OLINGAN YALPI FOYDA - sof tushum va sotish tannarxi o‘rtasidagi 
farq.
SOTISH XARAJATLARI – bu mahsulot (ish, xizmat)larni sotish uchun korxona 
tomonidan qilingan qo‘shimcha xarajatlar, masalan reklama xarajatlari, sotish bo‘limi va 
omborxonalarini saqlash, ularda band xodimlar mehnat haqi va boshqa xarajatlar. Sotish 
xarajatlari sotish tannarxiga kiritilmaydigan korxonaning sotishdan olingan yalpi foydasi evaziga 
qoplanadigan xarajatlar bo‘lib hisoblanadi. 
SOTIB OLINGAN ISHLAB CHIQARISH ZAHIRALARINING TANNARXI ularni
sotib olish qiymati, bojxona yig‘im va to‘lovlari, sertifikasiya xarajatlari, komissiya to‘lovi, 
transport-tayyorlov va boshqa sotib olishda ketgan xarajatlarni o‘z ichiga oladi.
SOTISH JARAYONI deganda ishlab chiqarish jarayonida yaratilgan tayyor 
mahsulotlarni, bajarilgan ishlarni, ko‘rsatilgan xizmatlarni xaridorlarga sotish tushuniladi.