Islom ummatining mashhur bahodirlari

11. Baro ibn Molik roziyallohu anhu

.  

U  Anas  ibn  Molik  roziyallohu  anhuning  tug‘ishgani.  Baro 

ibn  Molik  suvoriylik,  matonat,  shijoat  bobida  zarbulmasal 

qilinadigan  bahodirlardan  biridir.  U  janglardan  tashqari 

yakkama-yakka  olishuvlarning  o‘zida  yuzdan  ortiq  kofirni 

o‘ldirgan.  

    •  Yamoma  jangida  musulmonlar  Musaylama  askarlarini 

bir  bog‘  ichida  qamal  qildilar.  U  bog‘ning  devorlari  qalin  va 

baland  bo‘lib,  musulmonlar  devorni  buza  olmadilar.  Baro 

musulmonlardan  o‘zini  nayzalar  uchida  ko‘tarib  devorning 

narigi  tomoniga  otishlarini  talab  qildi.  Uni  nayzalar  ustiga 

o‘tirgizib  devordan  oshirib  yubordilar.  Baro  devor  ortida 

turgan  dushman  himoyachilari  bilan  olisha  ketdi.  Va  oxir-

oqibat  u  bog‘ning  eshigini  ochib  yuborishga  muvaffaq  bo‘ldi. 

Musulmonlar  darvozadan  bostirib  kirganlarida  u  bir  qancha 

kofirlarni  o‘ldirgan  va  o‘zi  behol  bo‘lib  qolgan  edi.  Uning 

tanasidagi  qilichu  nayzalardan  olgan  jarohatlari  saksontadan 

---

 

 

 

 14  

ortiq edi. Uni muolaja qildilar, jarohatlari bitib ketdi. Baro  fors 

diyorlarining  fathlarida  ishtirok  etdi.  Juda  qattiq,  dahshatli 

bo‘lgan  Tustar  jangida  Baro  ajoyib  qahramonliklar  ko‘rsatdi. 

Baro  duosi  ijobat  bo‘luvchi  odam  edi.  Musulmonlar  undan 

Allohdan  nusrat  so‘rab  duo  qilishlarini  talab  qildi.  U  shunday 

duo qildi: 

    –  Ey  Allohim,  musulmonlarga  nusrat  berib,  menga  O‘z 

yo‘lingda shahodatni nasib et! 

    Alloh  musulmonlarga  g‘alaba  berdi.  Baro  esa  shahid 

holida Alloh huzuriga ketdi.