Islom ummatining mashhur bahodirlari

12. Simok ibn Xarasha roziyallohu anhu.  

Bu  mashhur  bahodir  Abu  Dujonadir.  Uhud  kunida  uning 

juda  katta  o‘rni  bo‘lgan.  Rosululloh  sollallohu  alayhi  vasallam 

Uhud kunida qo‘llariga qilichni olib: 

    –  Ushbu  qilichning  haqqini  kim  ado  etadi?  –  deb 

so‘radilar.  Bir  necha  kishi  qilichni  olish  uchun  o‘rinlaridan 

turdi.  Rosululloh  sollallohu  alayhi  vasallam  qilichni  ularga 

bermadilar.  

    Abu Dujona: 

    – Uning haqqi nima, yo Rosululloh, – deb so‘radi. 

    – U bilan dushman yuziga to egilib ketgunicha urmoqlik! – 

deya javob berdilar Rosululloh sollallohu alayhi vasallam. 

    –  Uni  men  olaman,  –  dedi  Abu  Dujona.  Rosululloh 

sollallohu alayhi vasallam qilichni unga berdilar.  

---

 

 

 

 15  

    Abu  Dujona  shijoatli  odam  bo‘lib,  jang  paytida  yovga 

qarshi  o‘zini  ulug‘vor  tutib,  kibr  bilan  muomala  qilar  edi. 

Zubayr ibn Avvom shunday deydi: 

    –  Rosululloh  sollallohu  alayhi  vasallam  qilichni  menga 

bermay  Abu  Dujonaga  berganlarida  bir  narsani  sezdimda: 

“Xudo  haqqi,  qani  ko‘ramiz,  Abu  Dujona  nima  qilarkin,  – 

dedim ichimda. Keyin uni kuzata boshladim. U qizil mato bilan 

boshini bog‘lab oldi. Buni ko‘rgan ansorlar unga: 

    – Abu Dujona o‘lim nishonasini chiqardi! – dedilar.  

    Co‘ng  Abu  Dujona  mushriklarga  hamla  qildida,  ularning 

duch kelganini o‘ldira boshladi…  

    Musaylama kazzobga qarshi bo‘lgan Yamoma jangida Abu 

Dujona o‘zini devor osha bog‘ ichkarisiga otganida oyog‘i sinib 

qoldi.  U  singan  oyog‘i  bilan  jang  qilib  Alloh  huzuriga  shahid 

holida yo‘l oldi.