Islom ummatining mashhur bahodirlari

17. Ukosha ibn Mihsan roziyallohu anhu.  

U  shijoatli  sahobalardan  bo‘lib,  “G‘oba”  g‘azotida  Amr  ibn 

Abbor va uning otasini quvib etgandi. Ular har ikkisi bir tuyaga 

mingashib  olgan  edilar.  Ikkovini  ham  nayza  sanchib  o‘ldirdi. 

Va  ular  olib  qochayotgan  tuyalarning  ba’zilarini  qaytarib 

olishga muvaffaq bo‘ldi.  

 

18. Xavvot ibn Jubayr roziyallohu anhu

.  

Uhud  jangida  qatnashib  unda  chiroyli  shijoat  va  quvvatni 

izhor  etdi.  Toqqa  qo‘yilgan  kamonchilar  amiri  Abdulloh  ibn 

Jubayr roziyallohu anhu uning akasi edi. U o‘sha joyda shahid 

bo‘ldi. Xavvot shunday deydi: 

    –  Hech  kim  qilmaydigan  uch  amalni  qildim:  hech  kim 

kulmaydigan  o‘rinda  kuldim,  hech  kim  baxillik  qilmaydigan 

o‘rinda  baxillik  qildim  va  hech  kim  uxlamaydigan  joyda 

uxladim. 

    Uhud kunida akamning oldiga borsam, u o‘ldirilgan bo‘lib 

qorni  yorilgan  va  ichaklari  tashqariga  chiqib  qolgan  ekan. 

Sherigimdan  yordamlashishni  iltimos  qildim.  Mushriklarning 

otliqlari  atrofimizda  yurardi.  Akamning  ichak-chavoqlarini 

qorniga  kiritib  sallam  bilan  bog‘ladim-da  sherigim  ikkimiz 

ko‘tarib  oldik.  Akamning  qornidan  shilqillab  ovoz  chiqar  edi. 

Sherigim  qo‘rqib  ketib  jasadning  ko‘tarib  ketayotgan  tarafini 

---

 

 

 

 19  

tashlab  yubordi.  Men  esa  kulib  yubordim.  Keyin  amallab  bir 

joyga  olib  bordik-da  uni  dafn  qilish  uchun  kamonimning 

egilgan  tomoni  bilan  chuqur  kovladim.  Kamonimning  ipi  bor 

edi.  O‘sha  ip  uzilib  ketmasin,  deb  baxillik  qildim.  Bir  amallab 

chuqur  kovlab  uni  dafn  qildim.  Bu  mening  hech  kim 

qilmaydigan  joyda  qilgan  baxilligim  edi.  Akamni  ko‘mib 

qaytayotsam  ro‘paramda  bir  otliq  men  tomon  nayzasini 

to‘g‘rilab  turardi.  U  meni  o‘ldirmoqchi  bo‘lib  nishonga  olib 

turgandi. Birdan menga  uyqu kelib,  ko‘zlarim yumilib  uyquga 

ketdim. Hech kim uxlamaydigan bunday holatda men uxladim.