Islom ummatining mashhur bahodirlari

8. Hamza ibn Abdul Muttolib roziyallohu anhu

. 

U  Allohning  va  Rosulining  sheridir.  Hamza  juda  shijoatli 

bo‘lib, jasoratlari tarix sahifalarida o‘rin olgan.  

    –  Badr  jangida  jasorat  ko‘rsatib  ko‘plab  mushriklarni  er 

tishlatgan.  Badrda  asir  tushgan  mushrik  Umayya  ibn  Xalaf 

Abdurahmon ibn Avfga: 

    –  Sizlardan  ko‘kragiga  tuyaqush  patini  taqib  olgan  kim 

edi? – deb so‘radi. 

    – U Hamza ibn Abdul Muttolibdir, – dedi u.  

    –  Bizlarning  dodimizni  bergan  o‘sha  bo‘ldi,  –  dedi 

Umayya. 

    Hamza  Uhud  jangida  ham  o‘zgacha  bir  shijoat  bilan 

mushriklarga  qarshi  jang  qildi.  Abu  Sufyonning  xotini  Hind 

---

 

 

 

 12  

binti  Utba  Vahshiy  nomli  qul  bilan  Makkada  agar  u  qo‘lidagi 

nayza  bilan  Hamzani  o‘ldirsa,  uni  ozod  qilishini  aytib  ittifoq 

qildi. Vahshiy butun jang davomida Hamzani kuzatdi. U javlon 

urib  mushriklar  bilan  jang  qilar  edi.  Vahshiy  qulay  fursat 

poylab  qo‘lidagi  nayzani  Hamzaning  ko‘ksiga  sanchib  uni 

o‘ldirdi.  So‘ng  qornini  yorib  jigarini  olib  Hindga  olib  borib 

berdi. Hind uni og‘ziga olib chaynadi-da tuflab yubordi.  

    Rosululloh  sollallohu  alayhi  vasallam  Hamzani  jang 

maydonida musla qilingan holda ko‘rdilar-da qattiq xafa bo‘lib 

yig‘ladilar.  Bu  hol  Rosululloh  sollallohu  alayhi  vasallam  juda 

qattiq ta’sir qildi.