Islom ummatining mashhur bahodirlari

4. Talha ibn Ubaydulloh roziyallohu anhu.  

U  jannat  bilan  xushxabarlangan  o‘n  sahobaning  biri  bo‘lib, 

Islom  ummatining  shijoatli  bahodirlaridan.  Talha  ibn 

Ubaydulloh  ummat  suvoriylarining  peshqadami  va  jasur 

kishilaridan bo‘lgan.  

    Talhaning  ajib  shijoatiga  bo‘lgan  misollardan  biri  uning 

Uhud kunida ko‘rsatgan jasoratidir. Uhud kunida u Rosululloh 

sollallohu  alayhi  vasallamni  himoya  qilib  jang  qildi  va 

etmishdan  ortiq  zarbalar  bilan  musibatlangan  edi.  Oisha 

onamiz  shunday  deydilar:  “Abu  Bakr  roziyallohu  anhu  Uhud 

kunini eslagan paytda shunday der edilar:  

    –  U  kun  Talhaning  kuni  bo‘ldi.  Rosululloh  sollallohu 

alayhi  vasallamning  oldilariga  birinchi  bo‘lib  men  qaytib 

bordim.  O‘shanda  Rosululloh  sollallohu  alayhi  vasallam  bilan 

birga  bir  kishi  jang  qilayotgan  ekan.  Men  unga:  “Talha  ibn 

Ubaydullohdek  bo‘l”,  –  dedim.  Bir  payt  qarasam  u  Talhaning 

o‘zi  ekan.  Uning  tanasida  etmishdan  ortiq  qilich  va  nayzalar 

---

 

 

 

 7  

zarbasi  bo‘lib,  bir  qo‘li  kesilgan  edi.  Biz  unga  madadga  etib 

keldik”. 

    Uhud  jangida  Rosululloh  sollallohu  alayhi  vasallam 

mushriklar  tomon  yuzlansalar  Talha  Rosululloh  sollallohu 

alayhi vasallamga: 

    –  Yo  Allohning  nabiysi,  ota-onam  sizga  fido,  oldinga 

chiqmang,  qavm  o‘qlaridan  birortasi  sizga  tegmasin!  Mening 

bo‘g‘zim  sizning  bo‘g‘zingizga  to‘siq  bo‘lsin,  yo  Rosululloh!  – 

der edi. (Ya’ni sizga tegadigan o‘q menga tegsin, demoqchi). 

    Qays ibn Abu Hozim:  

    – Uhud kuni Talhaning  bir qo‘li shalvirab osilib  qolganini 

ko‘rdim. U shu holicha Rosululloh sollallohu alayhi vasallamni 

himoya qilar edi, – deydi.