Islom ummatining mashhur bahodirlari

7. Abu Ubayda ibn Jarroh roziyallohu anhu. 

Uning asl ismi Omir ibn Abdulloh ibn Jarroh bo‘lib, u jannat 

xushxabarini  olgan  o‘n  sahobaning  biri  va  Islom  ummatining 

amin  –  ishonchli  kishisidir.  Rosululloh  sollallohu  alayhi 

vasallam  bilan  birga  barcha  g‘azotlarda  qatnashgan.  Uhud 

kunida  Rosululloh  sollallohu  alayhi  vasallamning  yuzlariga 

---

 

 

 

 11  

sanchilib  qolgan  ikki  halqachani  Abu  Ubayda  sug‘urib  olgan 

edi. U halqachalar Rosululloh sollallohu alayhi vasallam jangda 

kiyadigan  dubulg‘aning  halqasi  edi.  Shu  paytda  uning  ikki 

oldingi tishi tushgan. Shundan so‘ng Abu Ubaydaning og‘zidan 

ham ko‘ra go‘zalroq og‘iz ko‘rilmagan, – deyilardi u haqida. 

    Yana  shuningdek:  “Abu  Bakr  bilan  Abu  Ubayda 

Qurayshning dohiylaridir”, – deyishardi. 

    Umar  roziyallohu  anhu  uni  Shom  fathiga  mas’ul  qilgan 

edi. Yarmuk jangida musulmonlarning qo‘mondoni bo‘lgandi.  

    Abu Ubayda roziyallohu anhu Shomdagi Amvos vabosida 

vafot etgan.