Islom ummatining mashhur bahodirlari

3.  Sayyidimiz  amirul  mo‘minin  Ali  ibn  Abu  Tolib 

roziyallohu anhu.  

U  Islom  ummatining  sheri,  sarchashmasi  bo‘lgan  va 

mushriklar  to‘dalarini  parchalab  tashlagan  hamda  hayoti 

davomida  hayratga  soluvchi  shijoatlar  namoyish  qilgan 

pahlavondir.  U  Tabuk  jangidan  boshqa  barcha  g‘azotlarda 

ishtirok etgan.  

    280.  Imom  Muslim  rivoyatlarida  Rosululloh  sollallohu 

alayhi  vasallam  Tabuk  g‘azvasi  kunida  Ali  roziyallohu  anhuni 

Madinaga xalifa qilib qoldirdilarda, unga:  

    – Sen mendan Horun Musoning oldida tutgan o‘rnidasan, 

lekin mendan keyin payg‘ambar bo‘lmaydi, – dedilar.  

---

 

 

 

 5  

    281.  Imom  Buxoriy  Sahl  ibn  Sa’ddan,  imom  Muslim 

Salama  ibn  Akva’dan  qilgan  rivoyatlarida:  Rosululloh 

sollallohu alayhi vasallam Xaybar kunida:  

    –  Bugun  men  bayroqni  Alloh  va  Uning  Rosulini  yaxshi 

ko‘radigan  hamda  Alloh  va  Uning  Rosuli  uni  yaxshi 

ko‘radigan,  jangdan  qochmaydigan  va  Alloh  uning  qo‘li  bilan 

fath  qiladigan  odamga  beraman,  –  dedilar.  So‘ng  Alini 

chaqirdilar,  uning  ko‘zi  og‘rib  qolgan  edi.  Alining  ko‘ziga 

tuflagandilar,  uning  ko‘zi  sog‘aydi.  Keyin  bayroqni  unga 

berdilar. Alloh Alining qo‘li bilan fath qildi.  

    Rosululloh  sollallohu  alayhi  vasallamning  g‘ulomi  Abu 

Rofe’ Alining  Xaybar kunidagi  shijoati haqida  shunday  hikoya 

qiladi:  

    – Rosululloh sollallohu alayhi vasallam Aliga  bayroqlarini 

berib, Xaybarga yuborgan kuni biz ham Ali bilan birga edik. Ali 

qal’aga yaqinlashgan paytda undagi hamma yahudiylar qarshi 

chiqdilar.  Yahudiylardan  biri  Aliga  zarba  urgan  edi  Alining 

qalqoni  tushib  ketdi.  Shunda  Ali  qal’aning  eshigini  ko‘chirib 

olib to jang musulmonlar g‘alabasi bilan yakun topgunga qadar 

undan  qalqon  sifatida  foydalandi.  So‘ng  uni  tashlab  yubordi. 

Biz etti kishi bo‘lib o‘sha eshikni zo‘rg‘a joyidan ko‘tara oldik.  

    Mus’ab Zubayriy u haqda shunday rivoyat qiladi:  

    –  Ali  jang  paytida  juda  hushyor  va  o‘z  raqibidan 

makkorroq, agar unga hamla qilinsa hamma tomonini nazorat 

qila  bilardi.  Dushman  unga  qilgan  hamlasidan  keyin  ham 

hushyorlikni bo‘shashtirmas edi. Hech kim unga zarba urishga 

---

 

 

 

 6  

imkoniyat  topa  olmas  edi.  Sovutining  faqat  oldi  bo‘lib,  orqa 

tomoni ochiq edi. Unga:  

    – 

Dushman 

orqa 

tomoningdan 

kelib 

qolishidan 

qo‘rqmaysanmi? – deyilganida u:  

    –  Agar  men  dushmanimga  orqadan  kelishiga  imkon 

beradigan  bo‘lsam,  shu  holda  ham  meni  o‘ldira  olmaydigan 

unday dushmanimni Alloh aslo(tirik) qoldirmasin! – deya javob 

qildi.