Issn 2181-1296 ilmiy axborotnoma научный вестник scientific journal

4. Tizimli fikrlash (boshqaruv faoliyatida uchrashi mumkin boʼlgan murakkab 
muammolarni tahlil qila olish) kompetentsiyasiga shaxsning vaziyat va uning elementlarini 
toʼliq anglay bilish, katta hajmdagi maʼlumotlarni umumlashtira olish (qayta aloqa va 
umumiy dinamikani inobatga olgan holda), tartibga keltira olishi va maʼlumotlar toʼplamini 
boshqara olish koʼnikmalari kiradi. 
5. Moslashuvchanlik (vaziyatga moslashish va boshqara olish) kompetentsiyasiga 
oʼzgaruvchan vaziyatlarga moslasha olish orqali ishning yangicha usullarini tashkil etish 
kiradi. Natijaga erishish uchun yangi shart-sharoitlarga tezda koʼnikish, yangi vazifalarni 
amalga oshirishda atrofdagilar (jamoani) fikrini eshita olishda ochiqlik kabi koʼnikmalari 
kiradi. 
6. Kommunikativlik (shaxslararo muloqot olib borish) kompetentsiyasiga jamoa 
bilan oʼzaro samimiy munosabat oʼrnatish, muloqotga kirishish, jamoani ishontira bilish, 
yordam berish, xodimlar kayfiyatiga eʼtibor berish va ularni eʼtibor bilan eshitish, jamoada 
qaror qabul qilishning muqobil yoʼllarini eʼtiborga olish koʼnikmalari kiradi. 
7. Ijtimoiy qadriyatlar (inson omili) kompetentsiyasiga shaxsning axloqiy 
qadriyatlarga, vatanparvarlik hamda sodiqlikni va soxaning axloqiy xususiyatlariga ishonchni 
namoyon etish orqali oʼzgalarga yordam berish, aniq faoliyat va ehtiyojlarni qondirishga 
qaratilgan vaziyatda tazyiq oʼtkazmaslik, har bir shaxsning erkin fikr bildirishiga yoʼl qoʼygan 
holda xulosani guruhning oʼziga havola qilish koʼnikmalari kiradi. 
8. Natijaga yoʼnalganlik (samarali faoliyat) kompetentsiyasiga rejalashtirilgan 
natijalarga erisha olish qobiliyati, natijalarga erishishda tashabbuskorlik va qatʼiyatlilik 
koʼnikmalari kiradi. 
9. Liderlik (jamoa aʼzolariga yetakchi va oʼrnak boʼlish) kompetentsiyasiga 
shaxsning oʼz jamoasini shakllantirish, jamoa aʼzolarini oʼz atrofida jipslashtirish va 
motivatsiyalash, pozitiv fikrlash va tashkilotchilik koʼnikmalari kiradi.