Issn 2181-2292 "солиқ ва ҳаёт" электрон илмий-оммабоп журнали

 
 
 
АУДИТНИНГ ХАЛҚАРО СТАНДАРТЛАРИ АСОСИДА МУҲИМЛИК КЎРСАТКИЧИНИ 
АНИҚЛАШ УСЛУБИЁТИ 
 
и.ф.н, доц., Муйдинов Э.Дж. 
Тошкент молия институти 
 
Аннотация: Ушбу мақолада “муҳимлик” кўрсаткичига таьриф берилади, уни 
аудиторлик текширувини режалаштириш, ўтказиш ва аудит натижалари асосида 
аудитор хулосасини шакллантириш жараёнларига таьсири кўриб чиқилади.
 
Калит сўзлар: аудитнинг халқаро стандартлари, муҳимлик, мухимлик 
даражаси, хато, фирибгарлик, дедуктив ва индуктив ёндашув, фаолиятнинг 
узлуксизлиги, аудитор хулосаси. 
 
Аннотация: В данной статье дано понятие показателю «существенность» и 
рассмотрено его влияние на процессы планирования, проведения аудита и 
формирования аудиторского мнения по результатам аудита. 
 
Ключевые слова: международные стандарты аудита, существенность, 
уровень существенности, ошибка, мошенничество, дедуктивно-индуктивный подход, 
непрерывность деятельности, аудиторское заключение. 
 
Abstrakt: In this article, the concept of the indicator "materiality" is given and its 
influence on the processes of planning, conducting an audit and forming an audit opinion on 
the results of the audit is considered. 
 
Keywords: international auditing standards, materiality, materiality level, error, 
fraud, deductive-inductive approach, going concern, audit report. 
1. Кириш. 
“Муҳимлик” кўрсаткичларини аниқлаш, унинг даражасини баҳолаш ва олинган 
натижаларни аудитор хулосасига таьсирини ўрганиш халқаро аудит назарияси ва 
амалиётида аҳамиятли масалалардан бири бўлиб ҳисобланади.
Мазкур йўналиш, “Мустақил аудиторнинг умумий мақсадлари ва аудитни
Аудитнинг Халқаро Стандартларига мувофиқ ўтказиш” номли 200-сонли Аудитнинг 
Халқаро Стандарти (АХС) ва “Аудитни режалаштириш ва бажаришда муҳимлик” деб 
номланган 320-сонли АХС да батафсил ёритилган.
Бошқа яна бир қатор АХСларида ҳам бу масалага эьтибор қаратилган холатдар 
жуда кўп учрайди. ”Аудит жараёнида аниқланган бузиб кўрсатишларни баҳолаш” 
номли 450-сонли АХСда эса аниқланган бузиб кўрсатишларнинг аудитга ва 
тузатилмаган бузиб кўрсатишларни (агар улар мавжуд бўлса) молиявий ҳисоботга 
таъсирини баҳолашда муҳимлик мезонини қўллаш тартиби баён этилган.