Istaklarning amalga oshuvi

Muhim qoida: 
Biror narsaga muhtoj odam bu narsani o`zidan itaradi! Agar siz biror 
xohishingizning amalga oshishini xohlasangiz va uning amalga oshuvi siz 
uchun muhim va juda katta psixologik ahamiyatga ega bo`lsa, uning amalga 
oshishini shu muhtojligingiz bilan to`xtatib qo`yasiz! 
Bu qoidani qayta va qayta o`qing, uni yodlab oling va doimo qaytarib yuring. U 
sizning ongingizning tub-tubiga yetib borishi kerak. Xohishingizning psixologik 
jihatdan o`ta muhim ekanligi uning amalga oshmasligini ta`minlaydi. Siz 
xohishlaringizning psixologik bahosini qayta ko`rib chiqing va ularga katta yo`l 
ochiladi. 
Mana shu yozayotganlarimni siz tushunsangiz va amalda qo`llay olsangiz, siz bu 
dunyodagi eng baxtli odam bo`lasiz. Chunki siz erisha olmaydigan narsaning o`zi 
bo`lmaydi. 
Hech qanday xohish, maqsadni keragidan ortiq baholash kerak emas. Uning 
bahosini oshirganingiz sayin u maqsad ko`rinishidan muhtojlik ko`rinishiga o`ta 
boshlaydi. O`z xohishlaringizga muhtoj bo`lishdan voz keching va ular amalga 
osha boshlaydi. 
Shu yerda bir chekka holatdan ikkinchi chekka holatga o`tib qolishdan extiyot 
bo`lishingiz kerak. Ya`ni men hamma narsani xohlayman holatidan men hech 
narsani xohlamayman holatiga o`tib qolmang. Xohishlardan voz kechish degani 
umuman hech narsani xohlamaslik emas, balki xohishlarning yangi pog`onasidir. 
Odam bunda o`z xohishlariga ega bo`ladi, ularni amalga oshirishga harakat qiladi, 

---

lekin unga muhtojligi bo`lmaydi. Bunday odamning shiori: Mening xohishim 
amalga oshishi uchun qo`limdan kelgan hamma ishni qilaman va uning 
amalga oshishi men uchun kerak. Lekin, agar u amalga oshmay qoladigan 
bo`lsa ham xafa bo`lmayman. Bu menga baribir. 
Siz xohlagan bir xohish, maqsadlaringizga mana shu pozitsiyadan turib 
yondashsangiz, ularning amalga oshishi imkoniyatini yuzlagan marta oshirgan 
bo`lasiz! 
Muhtojlik holatida xohishlar amalga oshmaydi. Undan qutulish kerak. Xohlagan 
bir narsaga muhtojlikdan voz keching! O`z xohishlaringizdan voz keching! 
Ularning arzimas va ahamiyatsiz ekanligini his qiling. Shundagina hamma ishingiz 
oldidan keladi. 
Muhtojlik sizni muhtojlikni boshdan kechirishga, siqilishga, ezilishga majbur 
qiladi. Muhtojlikka qanchalik kattaroq e`tibor bera boshlaganingiz sayin u ham 
kattalasha boradi. 
Psixologik muhtojlikdan qutulishning yagona yo`li uning mavjudligini tan olish va 
uning qay darajada kam ahamiyatga ega ekanligini o`ylab ko`rish va anglashdir. 
Aynan mana shu holatni voz kechish deyiladi. Xuddi farqi yo`qday, lekin ishtiyoq 
va g`ayrat bilan harakat qiling. 
Bu holatga kirish va unda yashay olish juda og`ir ekanligini juda yaxshi bilaman. 
Chunki siz shu paytgacha biror narsaga muhtojlikni his qilishga, biror narsaning 
yetishmasligi yoki kamligidan siqilishga, biror narsaning siz xohlaganday 
emasligidan ezilishga o`rganib qolgansiz. O`z odatlaringizni o`zgartirish juda qiyin 
ish. Lekin sizning boshqa ilojingiz yo`q. Agar omadli bo`lishni istasangiz, har 
qanday muhtojlikdan voz kechishingiz kerak. 
Mana shu hammaga xalaqit beradigan va yomon odatdan qutulishning samarali 
yo`li bormi? Albatta bor! Bu usul nazoratdagi tentaklik deb aytiladi. Uni 
meksikalik aborigenlar, tolteklar taklif qilishgan. Bu haqda Kastanedaning 
kitoblaridan o`qib olishingiz mumkin. Quyida don Xuan va Kastanedaning o`zaro 
dialogi keltirilgan. Bu sizga nazoratdagi tentaklikning nima ekanligini yaxshiroq 
tushunib olishingizga yordam beradi. 
- Nazoratdagi tentaklikni kimga nisbatan qo`llaysiz? – deb so`radim men ancha 
jimlikdan so`ng. 
- Hammaga nisbatan – deb kulib javob berdi u.