Иқтисодий сиёсат фанининг назарий асослари

ИҚТИСОДИЙ СИЁСАТ ФАНИНИНГ НАЗАРИЙ АСОСЛАРИ

Биринчи бобда ўрганиладиган мавзуларнинг қисқача таснифи қуйидагилардан иборат:
Иқтисодий сиёсат фанининг замонавий таълим тизимидаги ўрни ва вазифалари;
Замонавий иқтисодий тараққиёт жараёнларида мазкур фанни ўрганишнинг аҳамияти;
Иқтисодий сиёсат фанининг мазмуни ва асосий мақсадлари;
Иқтисодий бошқарувнинг моҳияти. Иқтисодий билимларнинг бошқарувдаги аҳамияти;
Иқтисодий бошқарув воситалари ва институтлари фаолияти билан танишиш;
Иқтисодий қарорлар самарадорлигини баҳолаш, оқилона қарорлар ишлаб чиқишнинг халқао тажрибалари.

КИРИШ

“Иқтисодий сиёсат дунёда юз бераётган ҳар бир иқтисодий ва сиёсий жараёнларни синчковлик билан кузатиб бориш, ҳар бир воқеага оқилона ёндашув асосида илмий ва таҳлилий фикрларини шакллантириш, мамлакат сиёсий ислоҳотларига бевосита алоқадор оқилона қарорлар чиқариш тажрибасидир. Иқтисодни сиёсатсиз, сиёсатни эса иқтисоддан айро ҳолатда тушуниш имконсиздир. Бошқарувдаги шахс иқтисодий билимларни у ёки бу даржада билиши бирламчи зарурар эканлигини тушуниши лозим. Зеро иқтисодий билимлар миллионлаб одамларнинг яхши яшашини таъминлашдаги илм ва тадқиқот соҳасини ташкил қилади. Иқтисодий сиёсат билан шуғулланиш юксак тафаккур ва улкан билим ва тажриба талаб қилиши билан характерланади”.