Ызбекистон Республикаси Бош прокуратураси

Тергов ҳаракатлари давомида юқоридаги қонун бузилиши ҳолатлари ҳамда жиноятларнинг содир этилишига имкон берган қуйидаги сабаб
ва шароитлар аниқланган:
- талабаларнинг дарсларга тўлиқ иштирок этишлари устидан талабчан назорат ўрнатилмаганлиги, шунингдек, дасрдан ташқари бўш вақтларини мазмунли ўтказишга оид чора-тадбирларнинг етарли даражада таъминланмаганлиги, уларни қонунларни ҳурмат қилиш ва унга итоаткор бўлиш руҳида тарбиялаш масалалари билан боғлиқ профилактика тадбирлари лозим даражада ўтказилмаганлиги;
- талабалар томонидан содир этилган ҳар бир жиноятнинг келиб чиқиш сабаблари атрофлича муҳокама этилиб, келгусида бу каби қонун бузилиши ҳолатларининг олдини олишга қаратилган кенг қамровли чора-тадбирлар белгиланмаганлиги;
- олий таълим тизими учун давлат бюджетидан ажратилаётган маблағларнинг мақсадли сарфланиши устидан доимий идоравий назоратнинг сусайтириб юборилганлиги;
- жойлардаги олий таълим муассасалари томонидан бюджет маблағларининг сарфланиши юзасидан тақдим этилаётган ҳисоботларнинг ҳаққонийлиги мунтазам равишда солиштирилган ҳолда текширилиб, аниқланган камчиликларни зудлик билан бартараф этишга қаратилган чораларнинг ўз вақтида кўриб борилмаганлиги;
- олий таълим тизимидаги муассасаларда етарли даражада меҳнат ва ижро интизомига қатъий риоя этилмаганлиги;
- кадрларни танлаш, ходимларни ишга қабул қилиш ва уларни аттестациядан ўтказишда ҳар бир ходимнинг етарли даражада билимли, ўз хизмат вазифасига виждонан муносабатда бўлиши, доимий равишда ўз билим савиясини ошириб келиши, ҳалол ва пок эканлиги каби жиҳатларига етарли эътибор қаратилмаганлиги;
- олий таълим муассасалари профессор-ўқитувчилари томонидан абитуриентларни ўқишга қабул қилиш ва талабаларга баҳо қўйиш учун тамагирлик қилинишининг олдини олишга қаратилган кенг қамровли чора-тадбирлар ишлаб чиқилиб, унинг устидан қатъий маҳкамавий назорат ўрнатилмаганлиги;
- олий таълим тизимида доимий равишда ходимлар малакасини оширишга етарли эътибор қаратилмаганлиги;
- вазирликнинг мутасадди тармоқ раҳбарлари ва жойлардаги масъул ходимлари томонидан Ўзбекистон Республикасининг “Таълим тўғрисида”ги Қонуни ва бу борадаги бошқа норматив-ҳуқуқий ҳужжатларнинг ижроси лозим даражада бажарилмаганлиги, ходимлар ўз вазифаларига масъулиятсизлик билан ёндашганлиги сабаб бўлмоқда.
Қайд этиб ўтилган лоқайдликлар оқибатида олий таълим соҳасининг обрўсига путур етказилиб, соҳадаги айрим масъул мансабдор ва бошқа моддий жавобгар ходимларнинг жиноий жавобгарликка тортилишига йўл қўйилган.
Юқоридагиларга кўра ҳамда Ўзбекистон Республикасининг “Прокуратура тўғрисида”ги Қонунининг 40-моддасини қўллаб,