Йилларда германия. 1-§. Германияда маъмурий-ҳудудий бошқарув тизими

Парламент ва ҳукумат.
Германияда ижроя хокимият-федерал Канцлер раҳбарлигидаги ҳукумат томонидан амалга оширилади. Канцлер миллий сиёсатни асосий йўналишларини белгилайди. Ҳукумат аъзолари-федерал вазирлар унинг таклифи билан президент томонидан тайинланади. Улар ўз тармоғидаги ишларни мустақил равишда олиб борадилар. Вазирликларнинг фаолиятлари орасидаги мувофиқлашув федерал Канцлер томонидан йўлга солинади. У президент таклифи билан Бундестаг томонидан музокарасиз сайланади. Агар таклиф этилган шахс сайланмай қолса, сайловдан кейин 14 кун ичида Бундестаг федерал Канцлерни ўз аъзоларининг мутлақ кўпчилик овози билан ўз номзодини сайлаш мумкин. Агар мана шу муддат мобайнида сайлов бўлмай қолса, зудлик билан овоз беришнинг янги тури ўтказилади, унда энг кўп овоз олган шахс сайланган ҳисобланади. Мазкур номзод Президент томонидан етти кун ичида тайинлаши керак, акс ҳолда Президент Бундестагни тарқатиб юборади (63-модда). Бундестаг федерал Канцлерга, кўпчилик аъзолар томонидан унинг ўрнига ворис танлаб, федерал Канцлерни бўшатиш тўғрисидаги илтимос билан федерал Президентга бу илтимосни қондириши ва танланган шахсни Канцлер этиб тайинлаши лозим. (67-модда) Мазкур ҳолат Германия тарихида икки марта қайд этилган ва уларнинг иккинчиси Бош Канцлерни истеъфо бериши билан якун топган.
1972 йил апрелда Канцлер В.Бранд Бундестагнинг ишончсизлик хавфи остида қолган ва атиги иккита хайрихоҳ овози билан истеъфодан қутулиб қолган эди. Бироқ, бу ҳолатда Канцлер узоқ яшай олмас эди. 1972 йил 20 сентябрда у ўзига ишонч билдириш ҳақидаги мурожаатни Бундестагга тақдим этди. 248 овоз (233 тага қарши)билан Бундестаг унинг номзодини рад этгач, Президент парламентни тарқатиб юборган эди. Лекин, бу жараён Асосий қонунинг 68-моддаси билан амалга ошди. 1982 йилда эса Канцлер Шмидт Бундестаг ишончсизлигига дучор бўлди ва 1 октябрда истеъфо беришга мажбур бўлди.
Германия сиёсий ҳаётида “туб” ўзгаришлар кам учрайди. Чунки сиёсий кучларнинг анча барқарор мувозанати қарор топган. Партиялар курашида ҳам немисларга хос табиат сезилиб туради.