Ўйин қоидалари 2022/23 The International Football Association Board

4. Тартиби - Дастлабки қарор
Қўшимча киритилган матн
Агар ёрдамчи ҳакам қоидабузарлик пайтида байроқни кўтаришдан тийилиб турган бўлса, ҳужум қилаётган жамоа гол урса, пенальти, жарима/эркин, бурчак зарбалари тепиш ёки ён чизиқдан тўп ташлаб бериш ҳуқуқини қўлга киритса ёхуд дастлабки ҳужумдан сўнг тўпга эга қилишни ўзида сақлаб қолган бўлса, байроғини кўтариши шарт. Қолган барча вазиятларда ёрдамчи ҳакам ўйиндаги вазиятдан келиб чиқиб байроқни кўтариш шарт ёки шарт эмаслигини хал қилиши лозим.
Тушунтириш
Ёрдамчи ҳакам байроқни кўтариши керак бўлган вазиятда уни кўтаришдан тийилиб туриш билан бир-бирига боғлиқ қарорларга тушунтириш берилди.

4. 
   Тартиби - Ўйинчилар, захирадаги ўйинчилар ва жамоанинг расмий шахслари
   

Тузатиш киритилган матн

• 
  «ТВ-монитор» ишорасини хаддан ортиқ кўрсатган ёки видео кўриб чиқиш майдонига кирган ўйинчи / захирадаги / алмаштирилган ўйинчи / жамоанинг расмий шахсига огохлантириш берилади.
  

•—«ТВ-монитор» ишорасини хаддан ортиқ кўрсатган ёки ҳакамнинг видео кўриб чиқиш майдонига кирган жамоанинг расмий шахсига танбех берилади (ёки жамоанинг расмий шахслари учун сариқ ва қизил карточкалар қўлланилиши кўзда тутилган вазиятда огохлантирилади).

• 
  Видео операцион хонага кирган ўйинчи / захирадаги / алмаштирилган ўйинчи / жамоанинг расмий шахси четлатиш билан жазоланади. Видео операцион хонага кирган жамоанинг расмий шахси техник ҳудуддан четлатилади.
  

Тушунтириш

• 
  5 ва 12-қоидалардаги ўзгаришларга мос равишда учрашувнинг расмий шахслари учун кўзда тутилган сариқ ва қизил карточкаларга ишора берилди.
  

ЛУҒАТ
Луғат қоидалардан кейин батафсил изоҳ ва тушунтириш талаб қиладиган ва/ёки бошқа тилларга доим ҳам осон таржима қилинмайдиган сўз/иборалардан ташкил топган.