Жиноят ҳУҚУҚИ Ўқув қўлланма

Кесик таркибли жиноят деб - жиноятни тамом бўлиш 
вақтини жиноят қонуни олдинги босқичга (жиноятга 
тайёргарлик кўриш ёки суиқасд қилиш босқичига) кўчирилган 
жиноятларга айтилади (ЖК 165-моддаси “Товламачилик”). 
Кесик таркибли жиноятларда жиноят объектив томони 
белгилари (ЖК Махсус қисми моддасининг диспозициясида 
назарда тутилган ҳаракатлар) бўлиб-бўлиб бажарилади ва ушбу 
ҳаракатлардан бири бажарилиши билан жиноят тугалланган 
деб топилади. 
ЖК Махсус қисм моддаларида ижтимоий хавфли оқибат 
келиб чиқиши шарт ёки шарт эмаслиги модда диспозициясида 
тўғридан - тўғри кўрсатиб ўтилади. 
Ушбу белгига қараб, жиноятларни моддий, ёки формал 
таркибли жиноят эканлиги аниқланади. 
Агарда, ижтимоий хавфли оқибат келиб чиқиши талаб 
қилинадиган жиноятларда шахснинг ўзига боғлиқ бўлмаган 
сабабга кўра, ушбу оқибатнинг келиб чиқмаслиги, ушбу 
жиноятларни формал таркибга айланишини англатмайди, 
балки ушбу жиноят тамом бўлмаган жиноят (жиноятга 
тайёргарлик кўриш ёки жиноятга суиқасд қилиш) сифатида 
квалификация қилинади.
Ушбу бўлинишнинг аҳамияти шундаки - бу жиноятлар-
нинг тугалланиш вақтини кўрсатади. 
Оддий таркибли жиноятлар деб - жиноят таркибининг 
элементлари (объект, объектив томон, субъект ва субъектив 
томони) биттадан ортиқ бўлмаган жиноятларга айтилади.
Мураккаб таркибли жиноятлар деб эса - жиноят 
таркибининг белгилари ёки бирор бир белгиси икки ёки ундан 
ортиқ бўлган жиноят турларига айтилади. 

---

28 
Жиноят таркиби 
№ Жиноят таркиби 
элементлари 
Жиноят таркиби элементларининг 
белгилари 
1. 
Объект: 
- ижтимоий муносабатлар; 
- жиноят предмети. 
2. 
Объектив томон: 
- ижтимоий хавфли қилмиш; 
- ижтимоий хавфли оқибат; 
- ижтимоий хавфли қилмиш ва иж-тимоий 
хавфли 
оқибат 
ўртасидаги 
сабабий 
боғланиш; 
- жиноят содир қилиш вақти, шароити, жойи, 
усули, жиноят содир этиш воситаси ёки 
қуроли. 
3. 
Субъектив томон: - айб; 
- мотив; 
- мақсад; 
- эмоциялар. 
4. 
Субъект: 
- жисмоний шахс; 
- ақли расолик; 
- жиноят қонунида белгиланган жиноий 
жавобгарлик ёшига етганлиги.