Жиноят ҳУҚУҚИ Ўқув қўлланма
Жазоларни қўшишнинг ҳисоблаш қоидалари
Download 4.96 Mb. Pdf ko'rish
|
Jinoyat Huquqi kitob Darslik uchun
|
14.9. Жазоларни қўшишнинг ҳисоблаш қоидалари Асосий жазоларни қўшиб ҳисоблаш озодликдан маҳрум қилиш жазоси миқдорига қараб белгиланади. ЖК 61-моддасига кўра ҳар-хил турдаги асосий жазоларни кўшганда озодликдан маҳрум қилишнинг бир куни: - озодликни чеклаш ёки интизомий қисмга жўнатишнинг бир кунига; - ахлоқ тузатиш ишлари ёки хизмат бўйича чеклашнинг уч кунига; - мажбурий жамоат ишларининг 4 соатига тўғри келади. Жарима ёки муайян ҳуқуқдан маҳрум қилиш тариқасидаги жазолар озодликдан маҳрум қилиш, интизомий қисмга жўнатиш, озодликни чеклаш, хизмат бўйича чеклаш, ахлоқ 122 тузатиш ишлари, мажбурий жамоат ишлари жазолари билан кўшилганда ҳар қайси жазо тури алоҳида ижро этилади. ЖК 61-моддаси қоидаларига кўра ахлоқ тузатиш ишлари, хизмат бўйича чеклаш, озодликни чеклаш ва интизомий қисмга жўнатиш, мажбурий жамоат ишлари жазолари бири-бири билан қўшилмайди, балки ушбу жазо турлари фақатгина озодликдан маҳрум қилиш жазосигагина қўшилиши мумкин. Суд жазо тайинлаш вақтида ушлаб туришнинг, қамоққа олишнинг ёки уй қамоғининг ҳар бир кунини: - озодликни чеклашнинг, интизомий қисмга жўнатиш ва озодликдан маҳрум қилишнинг бир кунига; - ахлоқ тузатиш ишлари ёки хизмат бўйича чеклашнинг уч кунига; - мажбурий жамоат ишларининг 4 соатига тенглаштириб ҳисоблайди (ЖК 62-моддаси).Ушлаб турилган, қамоқда ёки уй қамоғида сақланган шахсга суд томонидан жарима тайинлашда ушлаб туришнинг, қамоқда ёки уй қамоғида сақлашнинг бир кунини базавий ҳисоблаш миқдорининг 1/2 қисмига тенглаштириб ҳисобга олади. |
