Жиноят ҳУҚУҚИ Ўқув қўлланма

хавфи катта бўлмаган жиноятлар туркумига киради.
Оғир ва ўта оғир жиноятлар - эҳтиётсизлик орқасидан 
содир этилмайди.
Содир этилган жиноятларнинг ижтимоий хавфлилик 
даражаси - ЖК Махсус қисм моддасида ёки модда қисмида 
назарда тутилган энг оғир жазо турининг максимал 
миқдоридан келиб чиқиб аниқланади. Одатда санкцияда 
назарда тутилган озодликдан маҳрум қилиш жазосининг 
максимал 
муддатидан 
келиб 
чиқиб 
аниқланади. 
Жиноятларнинг ижтимоий хавфлилик даражаси ЖК Махсус 
қисм моддасининг ҳар-бир қисми бўйича алоҳида аниқланади. 
 
 

---

23 
3-Мавзу: ЖИНОИЙ ЖАВОБГАРЛИК ВА УНИНГ АСОСЛАРИ 
 
3.1. Жиноий жавобгарлик тушунчаси ва унинг асослари 
 
Жиноят учун жавобгарлик бу - жиноят содир этишда 
айбдор деб топилган шахсга нисбатан суд томонидан ҳукм 
қилиш орқали жазо ёки бошқа ҳуқуқий таъсир чораси 
қўлланилишида ифодаланадиган жиноят содир этишнинг 
ҳуқуқий оқибатидир (ЖК 16 - моддаси). 
Суд томонидан ҳукм қилиш орқали тайинланадиган: 
- 
жазо чораси - ЖК 43 - моддасида назарда тутилган жазо 
турларидан бири; 
- 
бошқа ҳуқуқий таъсир чораси - тиббий йўсиндаги ва 
вояга етмаганларга нисбатан тарбия йўсиндаги мажбурлов 
чоралари. 
Жазо - суд томонидан қўлланиладиган ва шахснинг ҳуқуқ 
ва эркинликларини маълум муддатга чеклаш ёки улардан 
маҳрум қилиш билан бирга уни қайта тарбиялаш мақсадини 
кўзловчи давлатнинг мажбурлов чораси тушунилади. 
Жиноий жавобгарлик асоси деганда – шахсни жиноят 
содир этишда айбдор деб топиш учун исботланиши лозим 
бўлган ҳолатлар мажмуи тушунилади.