Жиззах 2010 1-лабаратория машғулоти

Ҳисоблаш учун мисол

Каноп поясидан 100 гр олиб, ҳажми 500 мл (v) колбага майдалаб солинади ва дистилланган сув билан ўлчов чизиғигача тўлдирилади. Пектин моддасини аниқлаш учун 25 мл (V) фильтрат олинади. Кальций пектатнинг доимий массаси 0,0370 г (а) тенг бўлади. Бунда:

Х  0,0370·500·92 · 0,68%· 100·25

Реактивлар: ўювчи натрийнинг 0,1 н эритмаси, кальций хлорнинг 2 н эритмаси, кумуш нитратнинг 1% ли эритмаси.


7 - машғулотга тайёрланиш учун саволлар

1. 
   Ўсимликларнинг барча қисмларида липидлар қандай тарқалган?
   
2. 
   Липидларнинг классификацияси ва аҳамияти.
   
3. 
   Ўсимликлар танасида липидларнинг парчаланиши.
   
4. 
   Глицериннинг оксидланиши.
   
5. 
   Ёғ кислоталарининг оксидланиши.
   

№ 7 лаборатория машғулоти
Доривор ўсимликлар таркибидаги умумий мой (триглицерид-ларнинг) миқдорини аниқлаш


Машғулотнинг мақсади:

1. 
   Липидлар ўсимликларда қандай тарқалганлигини ўрганиш.
   
2. 
   Хом мой деб нимага айтилишини ўрганиш.
   
3. 
   Умумий мой миқдорини аниқлашни ўрганиш.
   

Ўсимликларнинг барча қисмларида кўп тарқалган, сувда эримайдиган аммо органик эритувчиларда – эфир, ацетон, бензол, хлороформ ва бошқаларда яхши эрийдиган табиий органик бирикмалар липидлар деб аталади. Липидлар юқори молекулали ёғ кислоталар хосиласи бўлиб, иккита асосий группадан ташкил топган. Биринчи группага ёғ кислоталар, глицерин ва бошқа моддалардан иборат хақиқий липидлар, иккинчи группага эрувчанлилига кўра ёғларга ўхшаш бошқа бирикмалар – липоидлар киради.

Ўсимликлар таркибидаги ёғ ва ёғсимон моддалар запас холда тўпланиши ёки хужайранинг структура компонентларини ташкил қилиниши мумкин. Запас холдаги ва протоплазматик ёғлар турли хил биокимёвий вазифаларни бажаради.
Липидлар кимёвий таркиби, тузилиши ва организмдаги функциясига қараб қуйидаги группаларга: ёғлар, мумлар, фосфатидлар, гликолипидларга бўлинади.
Ёғлар ўсимликлар таркибида жуда кўп бўлиб, аксарият запас модда, сифатида учрайди. Ўсимлик ёғлари мойлар деб аталади. Мойлар ўсимликларнинг деярли хамма қисмида учрайди. Одатда, улар ўсимликларнинг вегетатив органларида мева ва уруғидагига нисбатан бир мунча бўлади. Масалан, мойлар ўсимликлар баргида илдизида улар қуруқ моддасининг 2 % га яқинини ташкил этса мева ва уруғлар 50 % дан хам кўп бўлади.
Ёғлар юқори молекулали ёғ кислоталарнинг уч атомли спиртлар билан хосил қилган мураккаб эфирларидир. Шу сабабли бундай тузилган ёғлар триглицеридлар деб хам аталади.
Мойлар таркибида учрайдиган барча ёғ кислоталар тўйинган ва тўйинмаган ёғ кислоталардан иборат. Ўсимлик мойларида энг кўп учрайдиган ва жуда кўп тарқалган тўйинмаган ёғ кислоталарга олеинат, линолат,ва линоленат кислоталар киради. Ўсимлик мойлариниг дунё бўйича запасининг 60 % дан кўпроғини олеинат, линолат кислоталар ташкил этиши аниқланган. Ўсимлик мойларида кўп учрайдиган тўйинган ёғ кислоталарга пальмитат ва лауринат кислоталар киради. Шу билан бирга ўсимликлар таркибида қисман бўлсада, эркин холда учрайдиган ацетат, пропионат, мой кислота, валерианат ва бошқа кислоталар хам бўлади.
Ўсимлик органларида, хусусан уруғ таркибидаги мойларни аниқлаш учун аввало улар диэтил эфир ёрдамида экстракция қилинади. Бунда эфирли экстрактга турли хил липидлар ўтади.
Шу сабабли бу экстракт хом ёғ деб юритилади. Чунки хом ёғ таркибида хақиқий липидлао билан бирга фосфатидлар, стероллар, мумлар ва бошқалар учрайди.