Jizzax – 2018 Til haqida umumiy ma’lumot

Bosh harflar imlosi.

1. 
   Atoqli shaxs va joy nomlari bosh harf bilan yoziladi: Mohira , Jizzax.
   
2. 
   Korxona, tashkilot, muassasa nomlari, adabiyot va san’at asarlari , sanoat va oziq- ovqat mahsulotlari, transport vositalarining nomlari bosh harf bilan yoziladi. “Malika” firmasi,”Sharq”nashriyot-matbaa konserni, “Damas” avtomobili, Ko’kdumaloq kompressor stansiyasi, Xorazm chanqovbosti ichimliklar zavodi,”Amudaryo” jurnali.
   
3. 
   Muhim tarixiy sanalar va bayramlar nomi bosh harf bilan yoziladi: Mustaqillik kuni,Xotira kuni, Navro’z bayrami.
   
4. 
   Oliy darajadagi davlat tashkilotlari, xalqaro birlashmalar nomi bosh harf bilan yoziladi: O’zbekiston Respublikasi, O’zbekiston Respyblikasi Vazirlar Mahkamasi, Yevropa Ittifoqi Kengashi.
   
5. 
   Tashkilotlar nomining birinchi so’zi bosh harf bilan yoziladi: Mudofaa vazirligi, Davlat test markazi, “Umid” jamg’armasi, Xususiy tadbirkorlik va kichik biznesni qo’llab- quvvatlash.
   
6. 
   Oliy darajadagi unvonlar va mukofotlar nomi tarkibidagi so’zlarning har biri bosh harf bilan yoziladi: “O’zbekiston Qahramoni” unvoni, “Oltin Yulduz” medali. Boshqa mukofotlar , faxriy unvonlar, nishonlar nomidagi birinchi so’zgina bosh harf bilan yoziladi: “Sog’lom avlod uchun”, “Matbaa a’lochisi”.
   
7. 
   Har bir gap bosh harf bilan boshlanadi.
   
8. 
   Kishi nomlari tarkibidagi arabcha ibn (o’g’li), binni (qizi), o’zbekcha o’g’li, qizi so’zlari kichik harf bilan yoziladi: Murod ibn Sayfiddin
   
9. 
   Suv havzalarining birinchi so’zi bosh harf bilan yoziladi. Agar nom tarkibida atoqli ot bo’lsa, bu ot ham bosh harf bilan yoziladi: Sangzor daryosi, Katta Farg’ona kanali.
   
10. 
    Joy nomlari har doim bosh harf bilan yoziladi. Agar joy nomlariga –lik sifat yasovchi qo’shimcha qo’shilsa, kichik harf bilan yoziladi: Sirdaryo-sirdaryolik.
    
11. 
    Shaxs nomlariga –lar ko’plik qo’shimchasi qo’shilsa, shaxs nomi kichkina harf bilan yoziladi: Kecha rahimlar tog’ga ketishdi.
    

Eslatma: Kitob, gazeta, jurnal, kinofilm, binolar va tashkilotlarga atab qo’yiladigan nomlar qo’shtirnoq ichiga olinadi. Ammo shahar, kinoteatr, jamoa xo’jaligi kishilar nomiga qo’yilgan bo’lsa, qo’shtirnoq ishlatilmaydi: “O’zbekiston ovozi” gazetasi, “Neksiya” spektakli, “Lazzat” oshxonasi, Bobur bog’i, Cho’lpon nomidagi kinoteatr. Ko’cha nomlari ham qo’shtirnoqsiz yoziladi: Navoiy ko’chasi, Sayilgoh ko’chasi.