К. Б. Уразов бухгалтерия ҳисоби ва аудит

10.5.Фавқулотдаги даромадларнинг ҳисоби

21-сон БҲМСга мувофиқ фавқулотдаги даромадларнинг ҳисоби 9710 “Фавқулотдаги фойда” счётининг кредитида ҳисобга олинади. Бунда фавқулотда олинган ёки ҳисобланган фойданинг турини кўрсатувчи счётлар

( 0100, 0400, 0700, 1000, 2900 ва бошқа счётлар) дебетланади. Йил охирида 9710- счётнинг кредитида тўпланган сумма унинг дебетига ва 9900 “Охирги молиявий натижа” счетининг кредитига ёзилади ва шу асосда у ёпилади.

Ўз-ўзини синаш учун тест савол-жавоблари

1.Қуйидагинин қайси бири тўғри
а) даромад –бу мажбуриятларни ошиши
б) даромад –бу харажатларни ошиши
в) даромад – бу олинадиган счётларнинг камайиши
г) даромад –бу активларни кўпайиши
2.Қуйидагиларнинг қайси бири тўғри
а) Сотишдан олинган даромад – бу молиявий фаолитдан олинган даромад
б) Фоизлар –бу асосий фаолиятдан олинган даромад
в) Устав капиталига киритилган маблағ –бу фавқулотдаги даромад
г) Материални сотишдан олинган фойда – бу асосий фаолиятдан олинган қўшимча даромад
3.Қуйидагиларнинг қайси бири асосий фаолиятдан олинган даромадга олиб борилади?
а) Таъсис бадали
б) Инвентаризацияда аниқланган ортиқчалар
в) Товарни сотишдан олинган даромад
г) Мулкни қайта баҳолашда вужудга келган қўшимча қиймат
4.Қуйидагиларни қайси бири молиявий фаолиятдан олинган даромадга киритилади?
а) Кредиторларнинг воз кечган қарзлари
б) Ходимларнинг воз кечган қарзлари
в) Бепул келиб тушган мулк
г) Ҳеч қайсиси кирмайди
5. Валюта курсларидаги ижобий фарқлар?
а) Молиявий фаолиятдан олинган даромадга киради
б) Қўшилган капитални вужудга келтиради
в) Резерв капиталига олиб борилади
г) Юқоридаги жавобларнинг биронтаси ҳам тўғри эмас
6. Даромадларни акс эттирувчи счётлар
а) актив счётлардир
б) доимий счётлардир
в) транзит счётлардир
г) балансдан ташқари счётлардир